2018ko uztailaren 25etik 29ra ospatuko den 53. Heineken Jazzaldian joko duten tokiko hamar taldeak hautatzeko prozesuaren barruan, berehala dira hastekoak behin betiko zerrenda erabakitzeko balioko duten ikus-entzuleen aurreko emanaldiak.
Hautatze-prozesuak Gipuzkoako Foru Aldundiko Kultura Departamentuaren sostengu berezia izango du, Katapulta plataforma bitartez, haien iritziz Heineken Jazzaldiaren proiektu honek bat egiten baitu guztiz Foru Aldundia Gipuzkoan eta musikaren esparruan talentu berrien alde egiten ari den sustapen lanarekin.
Joaldiak Forum FNAC-en, Kutxa Kultur Klubean (Tabakaleran kokatuta) eta Victoria Eugenia Klubean izango dira, sarrera doan dela (Victoria Eugenia Klubaren kasuan, aldez aurretik, Victoria Eugenia Antzokiaren leihatiletan hartu beharko dira gonbidapenak), ondorengo egutegiaren arabera:
DATA | LEKUA | ORDUA | TALDEA |
URTARRILA 18 og | VICTORIA EUGENIA KLUBA | 20:00 | Double Drums Quartet |
URTARRILA 30 ar | VICTORIA EUGENIA KLUBA | 20:00 | Ana Bejerano Concept |
URTARRILA 7 az | KUTXA KULTUR KLUBA | 20:00 | Reunion Big Band |
OTSAILA 8 og az | FORUM FNAC | 19:30 | Les Fous |
OTSAILA 13 ar | VICTORIA EUGENIA KLUBA | 20:00 | The Farra Marching Band |
OTSAILA 14 az | VICTORIA EUGENIA KLUBA | 20:00 | Ulrich Calvo Jazz Quartet |
OTSAILA 21 az | KUTXA KULTUR KLUBA | 20:00 | No More Blues |
OTSAILA 22 ar | FORUM FNAC | 19:30 | Albericola |
MARTXOA 1 og | KUTXA KULTUR KLUBA | 20:00 | Ispirit |
MARTXOA 2 ol | FORUM FNAC | 19:30 | David Cid Trio |
MARTXOA 14 az | FORUM FNAC | 19:30 | Kike Mora Evolución Natural |
MARTXOA 15 og | KUTXA KULTUR KLUBA | 20:00 | ZigJazzUnit |
MARTXOA 20 ar | KUTXA KULTUR KLUBA | 20:00 | Big Band Donostiako Musika Eskola |
MARTXOA 21 az | FORUM FNAC | 19:30 | The Disappointments |
MARTXOA 23 ol | VICTORIA EUGENIA KLUBA | 20:00 | K3 |
Aurten aurkeztu diren 50 proposamenetatik, parte-hartzaileek ekarritako grabazioetan oinarrituta, 53. Heineken Jazzaldiko antolakuntzak 15 talde hautatu ditu, Donostiako hainbat agertokitan jo dezaten urtarriletik martxora bitartean. Zuzeneko emanaldi horien ondoren, Batzordeak, kalitate artistikoa eta ikus-entzuleen erreakzioa aintzat harturik, 53. Heineken Jazzaldiaren programazioan sartuko diren 10 taldeak hautatuko ditu.