2019ko uztailaren 24tik 28ra artean garatuko den 54. Heineken Jazzaldian joko duten tokiko hamar taldeak hautatzeko prozesuak aurrera segitzen du behin betiko zerrenda osatzeko balioko duten ikus-entzuleen aurreko emanaldien hasierarekin.
Hautatze-prozesu honi sostengu berezia ematen dio Gipuzkoako Foru Aldundiak Katapulta Tour Gipuzkoa zirkuituaren barruan, zeinaren xedea Gipuzkoako talentu gazteei bultzada ematea baita musikaren eta arte eszenikoen esparruan, eta Gipuzkoako eszena dinamizatzea, klubei eta antolatzaileei sostengua emanez.
Emanaldiak Forum FNAC-en, Kutxa Kultur Klubean (Tabakaleran) eta Victoria Eugenia Klubean eskainiko dira, sarrera doan delarik (Victoria Eugenia Klubaren kasuan, gonbidapenak aldez aurretik jaso beharko dira Victoria Eugenia Antzokiko leihatiletan), ondoko egutegiaren arabera:
DATA | TOKIA | ORDUA | TALDEA |
URTARRILA 14 al | VICTORIA EUGENIA CLUB | 20:00 | Reunion Big Band |
URTARRILA 15 ar | FORUM FNAC | 19:30 | Hot Potato Blues Band |
URTARRILA 16 az | KUTXA KULTUR KLUBA | 20:00 | The Upper Room |
URTARRILA 24 og | FORUM FNAC | 19:30 | Noguel Quartet |
URTARRILA 29 ar | VICTORIA EUGENIA CLUB | 20:00 | Xahu |
OTSAILA 4 al | VICTORIA EUGENIA CLUB | 20:00 | Organizing |
OTSAILA 7 og | KUTXA KULTUR KLUBA | 20:00 | Amaika Rude Sound |
OTSAILA 11 al | VICTORIA EUGENIA CLUB | 20:00 | Fredi Peláez Trio |
OTSAILA 18 al | FORUM FNAC | 19:30 | Rrucculla |
OTSAILA 25 al | KUTXA KULTUR KLUBA | 20:00 | Dr. Maha’s Miracle Tonic |
MARTXOA 1 ol | FORUM FNAC | 19:30 | Diablues & Bluecifer |
MARTXOA 18 al | KUTXA KULTUR KLUBA | 20:00 | Nacho Soto: Experiment 64 |
MARTXOA 20 az | FORUM FNAC | 19:30 | No-Land Trio |
MARTXOA 21 og | KUTXA KULTUR KLUBA | 20:00 | Ekhilore Quintet |
MARTXOA 25 al | VICTORIA EUGENIA CLUB | 20:00 | Juan José Cabillas with Strings |
Aurten aurkeztu diren 48 proposamenetatik, eta taldeek ekarritako grabazioetan oinarrituta, Heineken Jazzaldiaren antolakuntzak 15 banda hautatu ditu, urtarriletik martxora artean Donostian jo dezaten. Zuzeneko emanaldi horien ondoren, antolakuntzak, taldearen kalitate artistikoa eta ikus-entzuleen erreakzioa aintzat harturik, azkenean 54. Heineken Jazzaldiaren egitarauan sartuko diren 10 taldeak hautatuko ditu.