2020ko uztailaren 22tik 26ra artean garatuko den 55. Heineken Jazzaldian joko duten tokiko hamar taldeak hautatzeko prozesuak aurrera segitzen du behin betiko zerrenda osatzeko balioko duten ikus-entzuleen aurreko emanaldien hasierarekin.
Hautatze-prozesu honi sostengu berezia ematen dio Gipuzkoako Foru Aldundiak Katapulta Tour Gipuzkoa zirkuituaren barruan, zeinaren xedea Gipuzkoako talentu gazteei bultzada ematea baita musikaren eta arte eszenikoen esparruan, eta Gipuzkoako eszena dinamizatzea, klubei eta antolatzaileei sostengua emanez.
Emanaldiak Forum FNAC-en, Kutxa Kultur Klubean (Tabakaleran) eta Victoria Eugenia Clubean eskainiko dira, sarrera doan delarik (Victoria Eugenia Clubaren kasuan, gonbidapenak kontzertuaren egun berean jaso beharko dira Victoria Eugenia Antzokiko leihatiletan, 17:00etatik aurrera.
DATA | TOKIA | ORDUA | TALDEA |
URTARRILA 9 og | VICTORIA EUGENIA CLUB | 20:00 | Horda |
URTARRILA 15 az | VICTORIA EUGENIA CLUB | 20:00 | The Herman Family Singers |
URTARRILA 27 al | KUTXA KULTUR KLUBA | 20:00 | Swingtronics |
URTARRILA 28 ar | FORUM FNAC | 19:30 | Dos |
URTARRILA 29 az | VICTORIA EUGENIA CLUB | 20:00 | No More Blues |
OTSAILA 4 ar | KUTXA KULTUR KLUBA | 20:00 | Mojo Hand |
OTSAILA 5 az | FORUM FNAC | 19:30 | Origen |
OTSAILA 18 ar | KUTXA KULTUR KLUBA | 20:00 | Asier Ardaiz & Friends |
OTSAILA 19 az | FORUM FNAC | 19:30 | Los Juanes |
OTSAILA 24 al | VICTORIA EUGENIA CLUB | 20:00 | Hutsun Txalaparta-J.E.L. Trio |
MARTXOA 2 al | KUTXA KULTUR KLUBA | 20:00 | Oblivion |
MARTXOA 3 ar | FORUM FNAC | 19:30 | Monk’s Sphere |
MARTXOA 16 al | VICTORIA EUGENIA CLUB | 20:00 | No More Jazz Brassband |
MARTXOA 17 ar | KUTXA KULTUR KLUBA | 20:00 | Les Fous |
MARTXOA 18 az | FORUM FNAC | 19:30 | De2En Blues Band |
MARTXOA 18 Ir | VICTORIA EUGENIA CLUB | 20:00 | Txikijazz Combo |
Aurten aurkeztu diren 74 proposamenetatik, eta taldeek ekarritako grabazioetan oinarrituta, Heineken Jazzaldiaren antolakuntzak 16 banda hautatu ditu, urtarriletik martxora artean Donostian jo dezaten. Zuzeneko emanaldi horien ondoren, antolakuntzak, taldearen kalitate artistikoa eta ikus-entzuleen erreakzioa aintzat harturik, azkenean 55. Heineken Jazzaldiaren egitarauan sartuko diren 10 taldeak hautatuko ditu.