Mulatu Astatkek jaso zuen Donostiako Jazzaldia saria, eta kontzertu bikain bat eman zuen hondartzan bildutako milaka pertsonaren aurrean (8.000), Keler Gunean:
Keler Guneko atzoko kontzertuen programazioa Curtis Hardingek itxi zuen, 7.000 pertsonen aurrean.
Kursaal Auditorioan aurten izango ditugun 5 kontzertuetatik lehena Calexicorena izan zen. Taldeak bere azken diskoa aurkeztu eta bere aurreko abestietako asko interpretatu zituen publikoaren gozamenerako (1.710).
Bestalde, atzo hasi zen JazzEñeren zortzigarren edizioa FCC Victoria Eugenia Antzokian, Oreka TXen eta Chico Pérezen emanaldiekin. 581 pertsona gerturatu ziren.
Piano solo kontzertuen zikloari Vadim Neselovskyik eman zion hasiera Škoda San Telmo Museoan (69). Kontzertu honetatik lortutako irabaziak Chernobil Elkartearentzat izango dira, ukrainarrei laguntzeko.
10. Txikijazzi ere eman zitzaion hasiera. The International Classic Jazz All Stars, Kutxa Kulturen, eta Arima Soul, Garberan. Tailerrak eta jarduerak ere egin ziren. (150)
Frigo Gunean eta Fnac Gunean, Kursaaleko Terrazetan, aukera izan genuen gozatzeko Sharon Clark, Atrisma, The international Classic Jazz All Stars eta Carla Sevilla 5tet-ez. (4.200)
Garberan, Broken Brothers Brass Bandek, berealdiko energia erakutsiz, giroa berotu eta mundu guztia jarri zuen dantzan:
Denera 21.710 pertsona disfrutatu zuten Jazzaldiaz atzoko egunean.