jazzaldia.eus helbidean eta Victoria Eugenia Antzokiko leihatiletan erosi ahalko dira 11:30etatik aurrera
Jazzaldiaren historiako agertoki sinbolikoena, Trinitate Plaza, izango da aurten ere Jazzaldiko agertoki nagusia. Ekainaren 18an salgai jarritako abonu kolektiboak behin salduta direnean, orain banakako sarrerak eta abonuak ipiniko dira salmentan. Uztailaren 22tik 26ra bitartean, bost saio bikoitz eskainiko dira, maila kontrastatuko hainbat artistaren eskutik: Chano Dominguez, Jorge Pardo, Michel Portal, Carles Benavent, Perico Sambeat, Mariza, Bugge Wesseltoft, eta abar.
Era berean, San Telmo Museoan emango diren piano kontzertuetarako sarrerak ere salgai ipiniko dira. Bojan Z., Paul San Martin eta Mikel Azpirozen emanaldiak uztailaren 23tik 25era izango dira, goizeko 11: 00etan, Museoko kalostran.
Gogoan izan musukoa/maskara nahitaezkoa izango dela bi esparruotan, Trinitate Plazan, eta San Telmo Museoan.
Sarrerak uztailaren 2an jarriko dira salgai, 11: 30etik aurrera, jazzaldia.eus eta donostiakultura.eus/sarrerak helbideetan eta Victoria Eugenia Antzokiko leihatiletan.
Trinitate Plaza, abonua 107,20€
Uztailak 22, 21:00 – 24€
- Colina, Carmona, Serrano, Barrueta: Veinte veinte
– Chano Domínguez Trío
Uztailak 23, 21:00 – 28€
- Oreka TX: Koklea
– Michel Portal New Quintet
Uztailak 24, 21:00 – 24€
- Perico Sambeat Plays Zappa
– Benavent, di Geraldo, Pardo
Uztailak 25, 21:00 – 30€
– Carles Benavent Trío
– Mariza Canta a Amália
Uztailak 26, 20:00 – 28€
– Marco Mezquida: Beethoven Collage
– Rymden: Bugge Wesseltoft – Dan Berglund – Magnus Öström
San Telmo Museoa, abonua 17,60€
Uztailak 23, 11:00 – 12€
Bojan Z., piano solo
Uztailak 24, 11:00 – 5€
Paul San Martín, piano solo
Uztailak 25, 11:00 – 5€
Mikel Azpiroz, piano solo