ELLA FITZGERALD: JUST ONE OF THOSE THINGS (Leslie Woodhead, 2019)

Uztailak 4

19:00

ELLA FITZGERALD: JUST ONE OF THOSE THINGS (Leslie Woodhead, 2019). Erresuma Batua, AEB. Jatorrizko bertsioa ingelesez, gaztelaniazko azpitituluekin. 90′. 3,50€

ESTRENALDIA

Ella Fitzgeralden bizitzaren aztarnei jarraituta, film dokumental honek aztertzen du nolako bidea egin zuen haren musikak mende zalapartatsu baten soinu-banda bilakatu arte. 1934an Harlem auzoko Apollo antzokian egindako talentu-lehiaketa batetik abiatuta, Ellak bost hamarkadetan zehar egindako bidaia miresgarria jarraitzen du filmak, eta erakusten du nola islatu zituen bere musikak garaiko grinak eta gatazkak.

Ohiko biopic arruntaz harago, irudiak eta musika baliatuta, garai hartako giroa dakarkigu, eta Ellaren ibilbide apartaren testuingurua azaltzen du; Smokey Robinson, Jamie Cullum, Tony Bennett eta Norma Miler artistei egindako elkarrizketen bitartez. Jazzaren Olinpoko jainkosa baten eta, oro har, XX. mendeko musikaren ahotsa.

 *Aurkezpena: Miguel Martín (Heineken Jazzaldiko zuzendaria).