16 edizioa 1981 | Jazzaldia

1981eko uztailaren 15etik 19ra

Chick Corearen kontzertuak Jazzaldiaren historiako entzule-errekorra ezarri zuen 14.000 ikus-entzulerekin. Gainerakoetan ere sarrera handiak izan ziren, guztira 46.000 osatu arte. Belodromo inguruetan, egunero izaten ziren jende eta auto-ilara handiak. Ateetatik hurbil txosnak jartzen zituzten jaki eta edariekin, eta barruan festa-giroa nabarmena zen: musikarien arteko itxaronaldietan puxikekin jolas eginez olgatzen ziren, eskuz-esku pasatzen zirelarik harmailen alde batetik besteraino.

Ez zegoen zalantzarik, Jazzaldia modan zegoen, eta baziren horretarako arrazoiak: hasteko, ez zegoen antzeko beste eskaintzarik (Gasteizko Jazzaldia artean lehen urratsetan zen, Donostiakoaren arrakastak markatutako ildoari jarraitzen ziola); bigarren, Woodstock-ekoa bezalako gazte-bilera handiak imitatu nahi zituen jendeak; eta hirugarren, eskaintza kulturala, oro har, urria zen. Handik urte batzutara aurkakoa gertatuko zen, non hautatua ugari eta gazteek denerako dirurik ez.

Ehundaka gazte iristen ziren motxilak bizkarrean zituztela, tokirik ezlekuenetatik. Gazte horientzat ostatua atondu beharra izan zen, Belodromotik hurbil zegoen frontoi estali bat aprobetxatuz. “Mila izarreko hotela” deitu zioten berehala. 1986ra arte funtzionatu zuen, ordurako Jazzaldiaren gazte-biltoki izaera modaz pasa baitzen.

Chick Corearenaz gain, historian zehar Jazzaldia jarraitu duten zale askok, beste kontzertu gogoangarri bat gordetzen dute oroimenean: Art Pepper eta Woody Shaw-k eman zutena bakoitzak bere taldearekin. Pepper-en azkeneko kontzertuetakoa izan zen, handik urtebete baino lehenago hil baitzen.

IZ etxea diskoak grabatzen hasi zen lehiaketan parte hartzen zuten talde amateurren hautaketa batekin. Eta 80. hamarkadako ia Jazzaldi guztietan errepikatu zen hori.

1981eko uztailaren 15etik 19ra

AFIZIONATUAK (NAZIOARTEKO LEHIAKETA)

Alemania
Werner Pusch Sextet

Espainia
Orgón

Frantzia
Michel Klotchkoff Trio

Suedia
Lunds Jazzkapell

Suitza
Jean-Luc Barbier Quartet

Txekoslovakia
Jazz Fiddlers

Lehen saria: Michel Klotchkoff Trio
Bigarren saria: Werner Pusch Sextet
Bakarlaririk onenaren saria: Guido Parini, Jean-Luc Barbier Quartet-eko bateriajolea
Aipamen berezia: Orgón

AFIZIONATUAK (EUSKAL HERRIKO LEHIAKETA)

Alen
Klabelin Komik
Kursaal
Manu Diego de Somonte
Quasar

Lehen saria: Alen
Bigarren saria: Klabelin Komik
Bakarlaririk onenaren saria: José María Zubiria, Alen-eko pianojolea

PROFESIONALAK

McCoy Tyner Quintet
McCoy Tyner (pianoa)
Avery Sharpe (baxua)
Ronnie Burrage (bateria)
John Blake (biolina)
Joe Ford (saxoa)

Eiderjazz
Gonzalo Tejada (gitarra)
Iñaki González (gitarra)
Jon Azpillaga (flauta)
Carlos Subijana (baxua)
Jesusmari Inurrieta (perkusioa)

Chick Corea All Stars
Chick Corea (pianoa)
Gary Peacock (baxua)
Roy Haynes (bateria)
Joe Henderson (saxo tenorra)

Art Pepper Quartet
Art Pepper (saxo altua)
George Cables (pianoa)
David Williams (baxua)
Carl Burnett (bateria)

Woody Shaw Quintet
Woody Shaw (tronpeta)
Steve Turre (tronboia)
Mulgrew Miller (pianoa)
Stafford James (baxua)
Tony Reedus (bateria)

La Romanderie
Nannu Krause (eskusoinua)
Kleiner Lora (biolina)
Mecky Patay (gitarra)
Gigi Freiwald (gitarra)
Florian Frantz (baxua)
Panzeli Frantz (harmonika)

All Stars Big Band
Clark Terry (tronpeta)
Harry “Sweets” Edison (tronpeta)
Joe Newman (tronpeta)
Waymon Reed (tronpeta)
Snooky Young (tronpeta)
Al Grey (tronboia)
John Gordon (tronboia)
Benny Powell (tronboia)
Frank Foster (saxo tenorra)
Buddy Tate (saxo tenorra)
Marshall Royal (saxo altua)
Chris Woods (saxo altua)
Cecil Payne (saxo altua, saxo baritonoa)
Jimmy Witherspoon (ahotsa)
Nat Pierce (pianoa)
Eddie Jones (baxua)
Gus Johnson (bateria)