18 edizioa 1983
-
1983ko uztailaren 20tik 24ra
Jazz garaikidearen erakusgarri bikaina izan zen ekitaldi hau: Chick Corea, Roy Haynes eta Miroslav Vitous-ekin hirukotea osatuz; Jan Garbarek; Archie Shepp; eta Freddie Hubbard, Lew Tabackin, Charlie Haden, Joanne Brackeen eta Ben Riley-k osatutako boskotea. Eta horiek gutxi balira, V.S.O.P. II. etorri zen, non hasierako V.S.O.P.ko erritmo-hirukoteari (Carter, Williams, Hancock) Marsalis anaiak gehitu baitzitzaizkion.
Freddie Hubbard-en etorrera oso gora-beheratsua izan zen, hegazkina galdu baitzuen Genevan emanaldia baino ordu batzuk lehenago. Bordelera hegazkinez etorrarazi eta han Miarritzerako abioneta bat jarri zioten, handik autoz ekartzeko Donostiaraino. Bozgorailuetatik haren izena iragartzera zihoazela sartu zen Belodromoan.
Archie Shepp-ek ere buruhausteren bat edo beste sortarazi zien antolatzaileei, oholtzara igo aurretik paella jateko seta hartu baitzuen, eta libera frantsesetan kobratzekoa.
Batzorde Antolatzailea ahalegindu zen salneurriei merke eusten. Dena gora zihoan une hartan, abonuaren prezioa 1.800 pezetara jaistea lortu zuten. Jendeak ongi erantzun zuen: 12.000 lagun bildu ziren Corea, Haynes eta Vitous-i entzutera eta 8.000 V.S.O.P. II.aren kontzertura.
Amateur-lehiaketa lau partaidera mugatu eta sari berri bat ezarri zuten, jatorrizko konposaketa edo moldaketa onenaren saria. Pedro Iturralde izan zen epaimahaiburu.
Gospel-talde batek, Bethel Tabernacle Choir, doako kontzertu bat eman zuen guztiz inguru egokian, San Telmo abadian.
-
1983ko uztailaren 20tik 24ra
AFIZIONATUAK (NAZIOARTEKO LEHIAKETA)
Espainia
Celesta
CluniaSuitza
Swiss Jazz School Big BandTxekoslovakia
Old Time JazzbandLehen saria: Swiss Jazz School Big Band
Bigarren saria: Clunia
Bakarlaririk onenaren saria: Danilo Moccia, Swiss Jazz School Big Band-eko tronboijolea
Konposaketa eta konponketarik onena: Clunia-ko Nani GarcíaAFIZIONATUAK (EUSKAL HERRIKO LEHIAKETA)
Bulle Quintet
Leon Bazat Group
Opertura
Zubipeko SwingLehen saria: Bulle Quintet
Bigarren saria: Opertura
Bakarlaririk onenaren saria: Fran Rubio, Opertura-ko teklatujolea
Konposaketa eta konponketarik onena: Opertura-ko Fran RubioPROFESIONALAK
Bethel Tabernacle Choir
Jan Garbarek Quartet
Jan Garbarek (saxo tenorra, saxo sopranoa, flauta)
Eberhard Weber (baxua)
Ross Traut (gitarra)
Michael Di Pasqua (bateria)Archie Shepp Quartet
Archie Shepp (saxo tenorra, saxo sopranoa)
Kenny Werner (pianoa)
Santi De Briano (baxua)
Mervin Smith (bateria)V.S.O.P. II
Herbie Hancock (pianoa)
Ron Carter (baxua)
Tony Williams (bateria)
Wynton Marsalis (tronpeta)
Branford Marsalis (saxo tenorra, saxo sopranoa)Big Band de l’Aula de Música Moderna i Jazz de Barcelona
Antonio Peral (zuzendaria)Trio Music
Chick Corea (pianoa)
Miroslav Vitous (baxua)
Roy Haynes (bateria)Las Vegas Jazz Ensemble
Frank Gagliardi (zuzendaria)Festival All Stars
Freddie Hubbard (tronpeta)
Lew Tabackin (saxo tenorra, flauta)
Joanne Brackeen (pianoa)
Charlie Haden (baxua)
Ben Riley (bateria) -