35 edizioa 2000

  • 2000ko uztailaren 21etik 26ra

    Donostiako 35. Jazzaldiak egundoko arrakasta izan zuen: jendea gainezka B.B. King eta Keith Jarretten kontzertuetan, maila artistiko oso altua Trinitate enparantzako emanaldietan eta ikus-entzule emari etengabea Kursaaleko terrazetan, non doako saioak eskaini baitziren. Jazzaldiak eskainitako proposamenetara, gutxienez, 42.000 pertsona bildu ziren, eta hori behe samarretik jota.

    B.B. Kingek, hainbat alditan erakutsia duen profesionaltasun horrekin, aise irabazi zituen Trinitate enparantza mukuru betetzen zuten 3.600 ikus-entzuleen gogoak –agertoki horretan inoiz bildu den jendetza handiena–. Emanaldiaren lehen partea Hiram Bullocken kontzertuak bete zuen, zeina, Kursaaleko terrazetan egokitu zitzaizkion lau gauetan, hara bildutako jendearen oso gustukoa izan baitzen. Nabarmentzekoa da, hain zuzen ere, kontzertu horietara inguratu zen jendearen etengabeko emana, bai arratsaldeko eta bai gaueko saioetan. Agertoki horretan eskaini zen, orobat, Jazz Band Ball arrakastatsua: Georgia Mass Choir-en emanaldi ikusgarria, hogeita hamar abeslari baino gehiagorekin; David Murrayren Speaking in Tongues taldea, Fontella Bass eta Amina Claudine Myers barruan zirela, gau hartan arrakasta handiena izan zuen kontzertua; Joseph Bowieren Defunkt taldearen erritmo biziak; eta John Hicks pianista handiaren saioa.

    B.B. Kingena izan bazen sarrera gehien saldu zituen kontzertua, Keith Jarrettek Kursaalen eman zuena izan zen, aldiz, ikusmin handiena piztu zuena, eta esan behar da ez zela inor han izanaz damutu. 45na minutuko bi saio trinko izan ziren. Bis bakarra zegoen aurreikusirik, baina beste bat oparitu zuen Jarrettek, eta ikus-entzuleak erabat entregatu ziren hark Gary Peacok eta Jack DeJohnetterekin batera osatutako hirukotearen kalitatearen aurrean.

    Kalitate aparta erakutsi zuen jazzeko beste hiruko bat Kenny Barronena izan zen, artista handi honi eman zitzaiolarik 2000ko Donostiako Jazzaldia Saria. Barronek egundoko kontzertua eman zuen Trinitate enparantzan, baina, horrez gainera, jendeak gozatu ederra hartu zuen Barronek eta John Hicksek Kursaaleko Ganbera Aretoan eskaini zuten piano duo zoragarriarekin. Barronen saioa Uri Cainek egokitutako Bachen Goldberg bariazioak lanaren interpretazioarekin osatu zen, Easo abesbatzak laguntzen ziola. Bestalde, Uri Caineren emanaldi integrala izan zen Jazzaldiko proposamen interesgarrienetako bat. Bach ez ezik, pianoa bakarka, hirukotean, Wagner, Mahler eta Schumann ere interpretatu baitzituen.

    Ez dira ahaztuta uztekoak Vienna Art Orchestraren kontzertua –abangoardismoak bazterrean utzi eta Ellington “normalizatua” jo zuen– eta egungo jazzeko izarretako bat den Diana Krallen emanaldia ere. Aipatzekoak dira, bestalde, Claudia Acuña txiletar kantari berriaren jarduna eta Al Jarreau beteranoarena, zeinak lilulaturik utzi baitzituen entzuleak bere errepertorio ezagunarekin eta banda indartsuarekin.

    Egitarauan aurreikusita zegoen James Carter Electric Groove taldearen emanaldia, baina, Erromako aireportuko greba bat zela eta, ezin izan ziren garaiz iritsi. Haren ordez, Mulgrew Millerren boskoteak jo zuen, Lewis Nash salbuetsita, artean Donostian ez zegoelako, eta Ralph Peterson ikusgarriak bete zuen haren lekua baterian, Uri Caineren bateria gisa etorria baitzen Jazzaldira. Kontzertuaren lehen partean, Mark Isham tronpeta jotzaile eta soinu banda egileak Miles Davisen In A Silent Way jo zuen, bere garaian Milesen laguntzaile izandako Dave Liebman saxofonista lagun zuela.

    Jazzaldiak aitzinsolas ezin aproposagoa izan zuen bezperan, berez Jazzaldiaren egitarauan sartzen ez zen Barbara Hendricksen kontzertuarekin –2000ko Asturiako Printze Saria–, espiritualak abestu baitzituen opera abeslari handiak Kursaaleko Auditorioan, The Moses Hogan Singers abesbatzako kideek laguntzen ziotela.

  • 2000ko uztailaren 21etik 26ra

    The Georgia Mass Choir
    Milton Biggham (zuzendaria)

    David Murray Speaking In Tongues
    David Murray (saxo tenorra, klarinete baxua)
    Fontella Bass (ahotsa)
    Amina Claudine Myers (pianoa, ahotsa)
    Lafayette Gilchrist (pianoa, organoa)
    Hugh Ragin (tronpeta)
    Craig Harris (tronboia)
    Clarence Jenkins (baxua)
    Ranzell Merritt (bateria)

    Defunkt
    Joseph Bowie (tronboia, ahotsa, perkusioa)
    Alex Harding (saxo baritonoa)
    Fareed Haque (gitarra)
    Adam Klipple (teklatuak)
    Kim Clarke (baxua)
    Gintas Janusonis (bateria)
    Kahil El Zabar (perkusioa)

    John Hicks Trio
    John Hicks (pianoa)
    Dwayne Dolphin (baxua)
    Alvin Queen (bateria)

    Barcelona Big Latin Band
    Ramón Escalé (zuzendaria, pianoa)
    Alfons Carrascosa (saxo altua)
    Gorka Benítez (saxo tenorra, flauta)
    Aljosa Mutiç (saxo tenorra)
    Carlos Vecino (saxo altua, saxo baritonoa)
    Rafael Cuello (tronpeta)
    Víctor Vergés (tronpeta)
    Roger Font (tronpeta)
    Juanjo Arrom (tronboia)
    Sergi Vergés (tronboia)
    Ignasi Zamora (baxua)
    Sergio Párraga (kongak)
    Dani Forcada (paila)
    Alberto Cabello (bongoak, güiro)

    New Orleans Blue Stompers
    Pepe Robles (tronpeta)
    Ricard Gili (tronpeta, ahotsa)
    Oriol Romaní (klarinetea)
    Oscar Font (tronboia)
    Albert Romaní (baxua)
    Félix de Blas (tuba)
    Marcelo de Castro (garbiketa-ohola)
    Big Mama (abeslari gonbidatua)

    Menlo-Atherton Big Band
    Frank Moura (zuzendaria)
    Greg Abate (saxofoi-jotzaile gonbidatua)

    Vienna Art Orchestra
    Mathias Rüegg (zuzendaria)
    Anna Lauvergnac (ahotsa)
    Thorsten Benkenstein (tronpeta)
    Matthieu Michel (tronpeta)
    Bumi Fian (tronpeta)
    Thomas Gansch (tronpeta)
    Klaus Dickbauer (saxoa)
    Florian Bramböck (saxoa)
    Harry Sokal (saxoa)
    Andy Scherrer (saxoa)
    Herwig Gradischnig (saxoa)
    Arkady Shilkloper (tronpa)
    Christian Radovan (tronboia)
    Christian Muthspiel (tronboia)
    Charly Wagner (tronboia)
    Alegre Correa (gitarra)
    Georg Breinschmied (baxua)
    Mario Gonzi (bateria)

    Diana Krall
    Diana Krall (pianoa, ahotsa)
    Dan Faehnle (gitarra)
    Ben Wolfe (baxua)
    Rodney Green (bateria)

    Dniepropetrovsk-eko Gazte Orkestra
    Victor Basyuk (zuzendaria)

    Banana Jazz + Charmin Michelle
    Paul Cheron (saxoa, klarinetea)
    Jean-François Bonnel (saxo tenorra)
    Henri Cheron (banjoa)
    Pierre-Luc Puig (baxua)
    Richard Hertel (bateria)
    Charmin Michelle (abeslari gonbidatua)

    Hiram Bullock
    Hiram Bullock (ahotsa, gitarra)
    Frank Gravis (ahotsa, baxua)
    Clint de Ganon (ahotsa, bateria)

    Keith Jarrett / Gary Peacock / Jack DeJohnette
    Keith Jarrett (pianoa)
    Gary Peacock (baxua)
    Jack DeJohnette (bateria)

    Kenny Barron Trio
    Kenny Barron (pianoa)
    Ray Drummond (baxua)
    Ben Riley (bateria)

    Uri Caine Piano Solo
    Uri Caine (pianoa)

    Uri Caine Trio
    Uri Caine (pianoa)
    Drew Gress (baxua)
    Ralph Peterson (bateria)

    Uri Caine: Zohar
    Uri Caine (pianoa)
    Ralph Alessi (tronpeta)
    Drew Gress (baxua)
    David Gilmore (gitarra)
    DJ Olive (DJ)
    Ralph Peterson (bateria)
    Barbara Walker (ahotsa)
    Julie Patton (ahotsa)
    Mark Ledford (gitarra, ahotsa)

    Uri Caine: The Goldberg Variations
    Uri Caine (pianoa)
    Ralph Alessi (tronpeta)
    Don Byron (klarinetea)
    Annegret Siedel (biolina)
    Drew Gress (baxua)
    Ralph Peterson (bateria)
    DJ Olive (DJ)
    Barbara Walker (ahotsa)
    David Moss (ahotsa)
    Coro Easo (koruak)
    Xalbador Rallo (zuzendaria)

    Uri Caine: The Mahler Project
    Uri Caine (pianoa)
    Ralph Alessi (tronpeta)
    Don Byron (klarinetea)
    Joyce Hamman (biolina)
    Drew Gress (baxua)
    Ralph Peterson (bateria)
    DJ Olive (DJ)
    David Moss (ahotsa)

    Uri Caine: The Wagner Project
    Uri Caine (pianoa)
    Joyce Hamman (biolina)
    Annegret Siedel (biolina)
    Drew Gress (baxua)
    Thomas Ulrich (biolontxeloa)
    Ted Reichman (eskusoinua)

    Uri Caine: The Schumann Project
    Uri Caine (pianoa)
    David Gilmore (gitarra)
    Julie Patton (olerkiak)
    David Moss (ahotsa)
    Mark Ledford (ahotsa)

    Mark Isham: The Silent Way Project + Dave Liebman
    Mark Isham (tronpeta)
    Pete Maunu (gitarra)
    Nels Cline (gitarra)
    Doug Lunn (baxua)
    Mike Barsimanto (bateria)
    Dave Liebman (saxoa)

    Mulgrew Miller Piano Solo
    Mulgrew Miller (pianoa)

    Mulgrew Miller Quintet
    Mulgrew Miller (pianoa)
    Duane Eubanks (tronpeta)
    Steve Wilson (saxo altua)
    Richie Goods (baxua)
    Lewis Nash (bateria) (uztailaren 25ean)
    Ralph Peterson (bateria) (uztailaren 24ean)

    Claudia Acuña
    Claudia Acuña (ahotsa)
    Jason Lindner (pianoa)
    Avishai Cohen (baxua)
    Jeff Ballard (bateria)

    Al Jarreau
    Al Jarreau (ahotsa)
    Ross Bolton (gitarra)
    Arno Lucas (perkusioa)
    Debbie Davis (koruak)
    Freddie Ravel (teklatuak)
    Joe Turano (teklatuak)
    Chris Walker (baxua)
    Jota Morelli (bateria)

    DMA
    Max M-Bass-Adó (rap)
    Marco Castelli (saxoa)
    Roberto Magris (pianoa, organoa)
    Edu Hebling (baxua)
    Paolo Prizzon (bateria)

    Erik Truffaz
    Erik Truffaz (tronpeta)
    Patrick Muller (pianoa)
    Marcello Giuliani (baxua)
    Marc Erbetta (bateria)
    Nya (ahotsa)

    B.B. King
    B.B. King (gitarra, ahotsa)
    James Bolden (tronpeta, zuzendaria)
    Stanley Abernathy (tronpeta)
    Walter King (saxoa)
    Melvin Jackson (saxoa)
    Leon Warren (gitarra)
    James Toney (teklatuak)
    Michael Doster (baxua)
    Calep Emphrey, Jr. (bateria)

    The Fabulous Bullock Brothers

  • CARTEL-35