37 edizioa 2002
-
2002ko uztailaren 24tik 29ra
2002ko berrikuntzarik deigarrienetakoa Zurriolako hondartzako Agertoki Berdea izan zen. Entzule gazteenei zuzendutako joaldiak programatu ziren han, elektrojazz eta chill out joeretakoak, batik bat. Lehen egunean, nahiko eguraldi petrala egin bazuen ere, entzuleriak gogotsu erantzun zuen Bugge Wesseltoft eta Nils Petter Molvaer norvegiarren kontzertu bikainetara, eta areago ondorengo gauetan, eguraldi hobearen laguntzaz distira handiagoa izan baitzuten Llorca, Bedrock 3 (Uri Caineren azken proiektua) eta Heineken Ultissimoren (Mark Ledford aitzindari duen talde nabar eta askotarikoa) emanaldiek eta orobat Javi Pez donostiar DJak girotutako atsedenaldiek.
Jazz Band Ball-a berreskuratu zen eta, lehen aldiz, sarrera librea izan zuen, Kursaalgo Terrazetan. Frigo Agertokitik, Heineken Karpatik eta esandako Agertoki Berdetik jende andana pasa zen, euri-langar setatsuari aurre eginez. Dave Douglasen Tiny Bell Trio izan zen, beharbada, arrakasta handiena bildu zuena, baina ikus-entzule bakoitzak aurkitu ahal izan zuen bere txokoa: Wiesbadener Juristenbandeko abogatu alemanen dixie musika; espainiar jazzeko artista hoberenen Jam Session ederra; musikari gaztetxoz osatutako Roosevelt Jazz Band amerikar taldearen interpretazio bikainak; eta urruneko Zimbabwetik etorritako Cool Crooners of Bulawayo taldeko kide aitonduen alaitasun eta bizipoz eranskorra.
Hurrengo eguneko lehen emanaldia Kursaalgo Ganbera Aretoan izan zen, Dave Douglas-Misha Mengelberg Quartet protagonista zela, kontzertu serio baina jostagarri batean, tarteka, Han Bennink ikusgarriak bateriarekin egundokoak egiten zituela. Trinitate Enparantzan entzule kopuru handia bildu zen Chick Coreari –entzuleria liluraturik utzi zuen haren piano hutseko joaldiak– eta flamenko-jazzeko ordezkari hoberenei entzutera, Nuevos Medios zigiluaren hogeigarren urteurrena ospatzeko bildu baitziren: Benavent-Di Geraldo-Pardo hirukoa, Diego Carrascoren taldea eta Diego Amadorrena. Emanaldia benetako ijito festa bilakatu zen azkenean, Diego Carrascoren aitzindaritzapean eta Chick Corea bera ere tartean zela. Gero, Gazztejazz programaren txanda izan zen, Kursaalgo terrazetan, goizeko ordu txikiak arte, Llorca, Uri Caine eta Brüknahm Project-en kargura. Azkeneko hau –New Yorkeko talde bat– Knitting Factoryren hamabostgarren urteurreneko jiran zetorren, Vibes eta Gutbucket taldeekin batera.
Hilaren 26an, Dave Douglasek bere New Quintetekin jo zuen, Ganbera Aretoa bete-bete eginda zela. Baina egun hartako festa handiena Trinitate Enparantzan izan zen, non Bill Wymanek eta Rhythm Kings taldeak eta Maceo Parkerrek bere talde indartsuarekin dantzan jarri baitzuten entzuleria hasiera-hasieratik. Rhythm Kings taldean, britainiar r & b-eko izenik entzutetsuenak bildu ziren (Georgie Fame, Albert Lee, Terry Taylor) eta Mike Sánchezen aurkikuntza ere (espainiar gurasoak dituen abeslari, organista eta showman on bat) pozgarria izan zen.
27an, lau urte lehenago emandako kontzertuaren lilura guztia berregin zuen Abdullah Ibrahimek, baina oraingoan, Kursaalgo Auditorioko akustika ezin hobea lagun zuela. Trinitate Enparantzan, berriz, gaur egungo jazzaren klasikotasuna eta dotorezia konbinatu ziren Charles Lloyd (Geri Allen pianista guztiz interesgarria zeraman bere laukotean) eta Elvin Jonesen emanaldietan. Jonesen kontzertua John Coltraneren omenezkoa izan zen. Lloydek, ordu batzuk lehenago, Jonesenganako zuen miresmena aitortu zuen, Donostiako Jazzaldia Saria azken honi emateko ekitaldian. Larunbata zen, eguraldi ona zegoen eta musika bikaina zegoen programatuta: jende asko bildu zen, beraz, Kursaalen. Adrián Iaies argentinar pianistak Auditorioan aurkeztu zuen bere tango-jazzeko proposamen landua.
Uztailaren 28a ere, igandea, aparta izan zen. Ganbera Aretoan, Andrew Hillek aho zabalik utzi zituen kritikari adituenak. Trinitate Enparantzan, Richard Bonak bere atsegintasun guztia erabili behar izan zuen bat-bateko euri-zaparrada baten eraginak gozatzeko. Kamerundarrak entzuleak kantari ipini zituen eta antolakuntzak denborarik galdu gabe zabaldu zituen euritako jantziei esker inor ez zen bere tokitik mugitu. Gero, David Murrayk, bere Big Band-aren buruan, erakutsi zuen gai dela jazza eta kubatar erritmoak fusionatzeko, avant-gardeko ukitu batzuk erantsiz. Segur aski, iaz jiran ibili ziren big band guztietatik hoberena izan zen.
Hilaren 29an, berriro mukuru bete zen Trinitate Enparantza eta argi ikusi zen James Brown sasoi betean zegoela. Ez zuen inolako arazorik izan ordu eta erdiko ikuskizun eder askoa bideratzeko, mota guztietako bitartekoak erabiliz: talde sendoa, goitik behera (kapelatik botetaraino) zuriz jantzitako zeremonia-maixua, lau korista eraginkor eta bi dantzari zoragarri, horien artean, Sara Raya, “soularen aitaordearekin” lau urte zeramatzan Bartzelonako neska bat, Sex Machine jotzen ari ziren bitartean, gaztelaniaz rap bat egin zuena. Egundoko festa, plazan 3.600 pertsona eta erortzeko zorian egon zen Kofradia Gastronomikoan ia beste hainbeste zirela. “Funkaren erregea” irten aurretik, Gabongo Patience Dabanyk eta bere afrikar taldeak berotu zuten giroa.
Antolakuntzaren kalkuluen arabera, 55.000 ikus-entzule inguru izan ziren, guztira, Jazzaldiko emanaldietan.
-
2002ko uztailaren 24tik 29ra
Dave Douglas Tiny Bell Trio
Dave Douglas (tronpeta)
Brad Shepik (gitarra)
Jim Black (bateria)Nils Petter Molvaer
Nils Petter Molvaer (tronpeta)
Audun Erlier (baxua)
Rune Arnesen (bateria)
Eivind Aarset (gitarra)
Pal Nyhus (DJ)
Raymond Pellicer (sampler)Bugge Wesseltoft
Bugge Wesseltoft (teklatuak)
Ingebrigt Flaten (baxua)
Holte Wetle (bateria)
Jonas Lønnå (DJ)
Rikard Gensollen (perkusioa)
Håkon Kornstad (saxoa)The Cool Crooners of Bulawayo
Ben Phula Phulani (ahotsa)
Abel Sinometsi Sithole (ahotsa)
Lucky Thodhla (ahotsa)
Eric Juba (ahotsa)
Bruno Caviglia (gitarra)
Jean Manuel Chambo (pianoa)
Gillaume Stelly (baxua)
Marquito Benabou (bateria)Satchmo Jazz-ek aurkeztua: Jam Session Kursaalen
Perico Sambeat (saxo altua, zuzendaria)
Alfons Carrascosa (saxo altua)
Gorka Benítez (saxo tenorra)
Ion Robles (saxo tenorra)
Chris Kase (tronpeta)
Benet Palet (tronpeta)
Iñaki Salvador (pianoa)
Albert Bover (pianoa)
David Mengual (baxua)
David Xirgu (bateria)
Marc Miralta (bateria)Roosevelt Jazz Band
Scott Brown (zuzendaria)Wiesbadener Juristenband
Dieter Arlet (tronpeta, fliskornoa)
Albert Hemes (tronboia)
Karl Hans Henn (gitarra, banjoa)
Bernhard Kaufmann (pianoa)
Max Fröhlich (saxo tenorra, saxo altua, klarinetea)
Dieter Schmidt (baxua)
Rolf Thüsing (bateria, garbiketa-ohola)Llorca
Ludovic Llorca (DJ, programaketa)
Julie Monnin (ahotsa)
Marc Benhamou (teklatuak)
Philippe Monrose (perkusioa)
Bruno Vouillon (baxua)
César Poirier (saxo altua, saxo tenorra)Uri Caine’s Bedrock 3
Uri Caine (pianoa)
Tim Lefebvre (baxua)
Zach Danziger (bateria)Brüknahm Project
Saundi Wilson (teklatuak, sampler)
Sebastian “SibaGiba” Bardin (sampler, MC)
Abraham Burton (saxoa)
Justin Asher (baxua)
Kiambu Dickerson (ahotsa)Bernstein-Goldings-Stuart Trio + Eric Alexander
Larry Goldings (organoa)
Peter Bernstein (gitarra)
Bill Stewart (bateria)
Eric Alexander (saxo tenorra)Dave Douglas-Misha Mengelberg Quartet
Dave Douglas (tronpeta)
Misha Mengelberg (pianoa)
Brad Jones (baxua)
Han Bennink (bateria)Chick Corea Piano Solo
Chick Corea (pianoa)Nuevos Medios-en 20. urteurrena
Jorge Pardo (saxoa, flauta)
Carles Benavent (baxua)
Tino Di Geraldo (bateria)
Diego Amador (ahotsa, pianoa, gitarra)
Miguel Vargas (baxua)
Luis Amador (perkusioa)
Diego Carrasco (ahotsa, gitarra)
Diego Del Morao (gitarra)
Ana María González (ahotsa, txaloak)
Federico Baeza (ahotsa, txaloak)
Juan Grande (perkusioa)
Luis Carrasco (perkusioa)
Chick Corea (pianoa) (gonbidatu berezia)El Trio de Isaac Turienzo
Isaac Turienzo (pianoa)
Horacio Fumero (baxua)
Peer Wyboris (bateria)Dave Douglas New Quintet
Dave Douglas (tronpeta)
Chris Potter (saxo tenorra)
Uri Caine (piano elektrikoa)
James Genus (baxua)
Clarence Penn (bateria)Mark Ledford Ultissimo (Heineken Ultissimo)
Mark Ledford (ahotsa, gitarra, tronpeta, perkusioa)
James Thomas Bates (bateria, perkusioa)
Melena Francis (perkusioa)
Jim Antón (baxua, ahotsa)
Allen Hinds (gitarra, ahotsa)
Domingo Patricio (flauta, perkusioa)Bill Wyman Rhythm Kings
Bill Wyman (baxua)
Beverley Skeete (ahotsa)
Georgie Fame (organoa)
Albert Lee (gitarra)
Graham Mead (bateria)
Terry Taylor (gitarra)
Frank Mead (saxo tenorra)
Nick Payn (saxo altua, flauta)
Mike Sánchez (pianoa, ahotsa)Maceo Parker
Maceo Parker (saxo altua, ahotsa)
Greg Boyer (tronboia)
Ron Tooley (tronpeta)
Bruno Speight (gitarra)
Will Boulware (organoa)
Rodney “Skeet” Curtis (baxua)
Jerome Thomas (bateria)
Corey Parker (ahotsa)
Martha High (ahotsa)
Charles Sherrell (ahotsa)Gutbucket
Paul Chuffo (bateria)
Ty Citerman (gitarra)
Eric Rockwin (baxua)
Ken Thomson (saxoa)Abdullah Ibrahim Trio
Abdullah Ibrahim (pianoa)
Belden Bullock (baxua)
George Gray (bateria)Amama Luisa Brass Band
Alfonso Areta (helikoia)
Carlos Otsoa de Azpuru (tronboia)
Iñaki Egibar (tronboia)
Alex Otsoa de Azpuru (saxo tenorra)
Renato Valeruz (saxo sopranoa)
Jon Celestino (tronpeta)
Javi Navarro (tronpeta)
Carmen Aguinagalde (klarinetea)
Javier Celestino (banjoa)
Juan Iglesia (banjoa)
Beatriz Hurtado (dunbala)
Ana Otsoa de Azpuru (txindatak)
Marian Azkarate (kaxa)
Javier Goñi (garbiketa-ohola)
Inaxito Albisu (kriskitinak)Charles Lloyd Quartet
Charles Lloyd (saxo tenorra)
Geri Allen (pianoa)
Robert Hurst (baxua)
Billy Hart (bateria)Elvin Jones “Love & Peace”: Tribute to John Coltrane #3
Elvin Jones (bateria)
Anthony Wonsey (pianoa)
Gerald Cannon (baxua)
Pat LaBarbera (saxo tenorra, saxo sopranoa)
Delfeayo Marsalis (tronboia)Vibes
Bill Ware (bibrafonoa)
Brad Jones (baxua)
Jim Black (bateria)Cuadernos de Jazz-ek aurkeztua: Adrián Iaies Cuarteto
Adrián Iaies (pianoa)
Horacio Fumero (baxua)
Fernando Martínez (bateria)
Pablo Mainetti (bandoneoia)Andrew Hill Trio
Andrew Hill (pianoa)
John Hebert (baxua)
Matt Wilson (bateria)Mac Jeara’s Band
Ainara Ortega (ahotsa, klake dantza)
Mikel Mate (klarinetea)
Roberto Pacheco (saxoa)
Alfonso Masach (tronpeta)
Carlos Escudero (tronboia)
Eugenio Delgado (helikoia)
Jokin Sukunza (teklatuakRichard Bona
Richard Bona (baxua, ahotsa)
Aaron Heick (saxoa)
Etienne Stadwijk (teklatuak)
Nathaniel Townsley (bateria)
Daniel Sadownick (perkusioa)La Big Band Cubana de David Murray
David Murray (saxo tenorra, klarinete baxua, zuzendaria)
Irving Acao (saxo tenorra)
Orlando Sánchez (saxo tenorra)
Moisés Márques (saxo baritonoa)
Román Filiú (saxo altua)
Germán Velazco (saxo altua, flauta)
Hugh Ragin (tronpeta)
Basilio Márquez (tronpeta)
Alexander Brown Cabrera (tronpeta)
Dennis Cuni Rodríguez (tronboia)
Craig Harris (tronboia)
Heikel Fabián Trimiño (tronboia)
Adel González (perkusioa)
Roberto Julio Carcassés (pianoa)
Narciso Jorge Reyes (baxua)
Oliver Valdés (bateria)Fisk University Jubilee Singers
Paul T. Kwami (zuzendaria)Patience Dabany et Pada International
Patience Dabany (ahotsa)
Sylvain Avara (zuzendaria)
Jacynthe (teklatuak)
Tifa (teklatuak)
Papy (baxua)
Espoir Pepa (bateria)
Bernard Kantoula (perkusioa)
Natacha Enama (koruak)
Mathurine Essieli (koruak)
Tatiana Madjinja (koruak)
Suzanne Ikapendje (dantza)
Melissa Essieli (dantza)
Jeanine Ndogui (dantza)
Guy-Roger Ngoma (dantza)
Romaric Badamani (dantza)
Robert Tchimbinda (dantza)
Antonio Rodríguez (dantza)James Brown
James Brown (ahotsa)
Tomi Rae Hynie (ahotsa)
Roosevelt Johnson (ahotsa)
Shelia Wheat (ahotsa)
Cynthia Moore (ahotsa)
Kelly Jarrell (ahotsa)
Amy Christian (ahotsa)
Sara Raya (dantza)
Yonna Wynne (dantza)
Daniel Ray (announcer)
Holly Farris (tronpeta, zuzendaria)
Leroy Harper (saxo altua)
Jeff Watkins (saxo tenorra, saxo altua)
Waldo Weatehers (saxo baritonoa)
Keith Jenkins (gitarra)
Damon Wood (gitarra)
Daryl Brown (gitarra)
Fred Thomas (baxua)
Willie Ray Brundridge (baxua)
Erik Hargrove (bateria)
Robert Thompson (bateria)
George Nealy (perkusioa) -
