39 edizioa 2004
-
2004ko uztailaren 23tik 28ra
39. Jazzaldia askotarikotasun musikalaren aldarripean aurkeztu zen. Hogei herrialde baino gehiagotatik etorri ziren musikariak eta benetako mapamundi artistikoa osatzen zuten guztien artean. Jazzaren bi aldaerekin batera –klasikoa eta garaikidea– musika etniko ugarik ere (afrikarra, brasildarra, latinoa, indiarra) izan zuten beren lekua programazioan, benetako pluralismo kulturala erakutsiz. Carlinhos Brown izan zen ikusmin handiena piztu zuena eta Trinitate Enparantzan eskaini zuen kontzertua festa handi bat izan zen, non, 3.500 pertsona inguruk gozatu eta dantzatu baitzuten Bahiako musikari atseginaren erritmoekin. Emanaldiaren lehen partearen ardura Javier Colina Combori egokitu zitzaion, eta esan behar da gustura eduki zituela entzuleak bere musika afrokubarrarekin, harik eta Carlinhos azaldu zen arte.
Kursaal Bilgunearen inguruan gertatuak, berriz, aurreikuspen guztiak gainditu zituen. Ostiralean, hasierako Jazz Band Ball-a zela-eta, egundoko jendetza bildu zen terrazetako eta hondartzako agertokietan: leku zabalak diren arren, jendez mukuru zeuden. Kritikariek aho batez aitortu zutenez, suediar eta norvegiar musikariz osatutako Atomic boskotea izan zen gaueko garaile artistikoa, nahiz eta gaueko heroia Femi Kuti nigeriarra izan, Fela mitozkoaren semea: hondartza guztia dantzan jarri zuen, goizeko ordu txikietan. Ohi bezala, handik pasatu ziren guztiek aurkitu zuten beren musika: Danilo Perezen jazz latinoa, Kora Jazz Trioren afrojazz fusioa, Rebekka Bakken ezusteko kantari bikaina edota Roy Ayersen soul funkya.
Kursaalgo Auditorioak agertoki aparta dela berretsi zuen: entzumen eta ikusmen baldintza zoragarriak ditu. Han, Art Ensemble of Chicagok free jazz erakustaldia egin zuen, Lester Bowie eta Malachi Favors omenduz, esandako taldearen sortzaile izanak eta zenduak biak; Jan Garbarekek emanaldi ederra eskaini zuen, nota bakoitzaren araztasunean luzatuz, akustika ezin hobearekin; The Manhattan Transfer-ek egiaztatu zuen munduko lehen ahots taldea izaten jarraitzen duela: ohiko profesionaltasuna eta entzuleak erakartzeko gaitasuna erakutsi zituen; Rickie Lee Jones bere estilo guztiz pertsonalari leial izan zitzaion; eta Shirley Hornek argi utzi zuen jazzeko azken dama handietako bat dela.
Shirley Hornek jaso zuen, hain zuzen, aurtengo Donostiako Jazzaldia sarietako bat. Bestea, Fernando Trueba zinemagile eta disko ekoizleari eman zitzaion, jazz latinoaren promozioan egiten duen lan eskerga dela-eta.
Trinitate Enparantzako gainerako kontzertuetan honako hauek aritu ziren: John Scofield, gaur egungo gitarra jotzaile garrantzitsuenetakoa, hirukoan; Nils Petter Molvaer norvegiar tronpetista, elektrojazzaren aita; John McLaughlin & Shakti, Indiako musikari eta instrumentuekin landutako jazzaren ikuspegi interesgarria eskainiz; Miroslav Vitous txekiar kontrabaxu jotzailea; Steve Winwood organista, gitarrista eta abeslaria, batik bat, Traffic-en garaiko errepertorioan oinarritu zena; Daughters of Soul ikuskizunean biltzen diren sei abeslariak, eta azkenik, festa amaitzeko, Karibeko musika: Cachao, sasoi betean, 86 urterekin; eta hainbat musikari latino bikain biltzen dituen Spanish Harlem Orchestra, Rubén Blades panamar abeslari ezaguna lagun zutela.
Jazzaldiak jazz klub bat ere antolatu zuen, Heineken Jazz Club izenekoa, Kursaal Bilgunean, biltzarrak egiten diren eremuan. Jazz klubeko programazioak kontrabaxua izan zuen protagonista. Aurreko urteetan musikari baten inguruko zikloak antolatu ziren bezala (Uri Caine, Dave Douglas), 2004koa, esan bezala, instrumentu bati eskaini zitzaion. Lau kontrabaxu jotzaile handik jo zuten (Gonzalo Tejada, David Mengual, Baldo Martínez eta Henri Texier), nork bere taldearekin, esandako ingurune horretan, klub baten modura atondu ondoren: mahai lanparadunak eta erdi-itzaletako argi motelekin.
Kursaalaren inguruan eskainitako doako kontzertu jendetsuetatik (programatutako emanaldi guztietatik hirutatik bi doan izan ziren), kritika eta entzuleak bat etorri ziren ondoko emanaldiok goraipatzerakoan: Zuco 103 talde brasildarraren biak; Hadouk Triorena, ekialdeko kutsuz blaitutako musikarekin; Ximo Tebar-Joey DeFrancescoren bi emanaldiak, Hammond organoaren indar guztiarekin; Alvin Queen & Organicsen bi kontzertuak, non bateria jotzaile trebearen instrumentista maila ez ezik, taldeko lider gisa duen kategoria argi geratu baitziren; Robert Glasper pianista berritzailearena eta aurrez aipatutako Atomicekoek eskaini zituzten hiru kontzertu arrakastatsuak.
39. Jazzaldiaren kartela erakargarria zen lehen begiratuan eta aldez aurretiko giroa aproposa zen. Eguraldia lagun izatea baizik ez zen falta marka guztiak hausteko, eta halaxe izan zen: ez zuen euririk egin (Rubén Bladesen kontzertua freskatzeko balio izan zuen zaparrada txiki bat salbu). Ez da harritzekoa, beraz, markak hautsi izana: 68.500 entzule zenbatu ziren.
-
2004ko uztailaren 23tik 28ra
Acid Gazz
Unai Alvarado (gitarra)
Ibon Irastorza (baxua)
Iñaki González (bateria)
Jimmy Bidaurreta (teklatuak)
Marisol Blanco (ahotsa)
José Gallardo (saxoa)Alvin Queen & Organics
Alvin Queen (bateria)
Pat Bianchi (Hammond organoa)
Terell Stafford (tronpeta)
Jesse Davis (saxo altua)
Peter Bernstein (gitarra)Art Ensemble of Chicago
Famoudou Don Moye (bateria, perkusioa)
Roscoe Mitchell (saxoa)
Joseph Jarman (saxoa)
Jaribu Shahid (baxua)
Corey Wilkes (tronpeta)Atomic
Fredrik Ljungkvist (saxoa)
Magnus Broo (tronpeta)
Havard Wiik (pianoa)
Ingebrigt Flaten (baxua)
Paal Nilssen-Love (bateria)Baldo Martínez Grupo
Baldo Martínez (baxua)
David Herrington (tronpeta)
Antonio Bravo (gitarra)
Eduardo Ortega (biolina)
Pedro López (bateria)Cachao y su Orquesta
Israel López “Cachao” (baxua)
Kiwzo Fumero (tronpeta)
Jimmy Bosch (tronboia)
Raphael Palau (saxoa)
Federico Britos (biolina)
Alfredo Valdez Jr. (pianoa)
Jimmy Delgado (tinbalak)
Daniel Berroa (kongak)
Anthony Columbie (ahotsa)Carlinhos Brown
Carlinhos Brown (ahotsa, perkusioa)
Ana Oliveira (koruak)
Paulo Caldas (koruak)
Léo Bit Bit (perkusioa)
Boghan Costa (perkusioa)
Marquinhos (perkusioa)
Élber (perkusioa)
Jaguar (gitarra)
Toni Duarte (baxua)
Mikael Mutti (teklatuak)Daughters Of Soul
Simone (ahotsa)
Lalah Hathaway (ahotsa)
Indira Khan (ahotsa)
Nona Hendryx (ahotsa)
Joyce Kennedy (ahotsa)
Sandra St. Victor (ahotsa)
Wiboud Burkens (teklatuak)
Ronny Drayton (gitarra)
Manuel Hugas (baxua)
Cyril Directie (bateria)
Jasmin Neuhaus (koruak)
Carol Dest (koruak)
Dedre Twiss (koruak)Danilo Pérez Trio
Danilo Pérez (pianoa)
Ben Street (baxua)
Adam Cruz (bateria)David Mengual: Deriva
David Mengual (baxua)
Carme Canela (ahotsa)
Dani Pérez (gitarra)
Martí Serra (saxo tenorra)
Gorka Benítez (saxo tenorra)
David Xirgu (bateria)
David Gómez (bateria)
Joan Díaz (pianoa)
Lito Iglesias (biolontxeloa)
Carles Roche (irudiak)Femi Kuti
Femi Anikulapo Kuti (ahotsa, saxoa)
Saidi Obara (perkusioa)
Olugbenga Laleye (tronpeta)
Emmanuel Adeokun (gitarra)
Olusegun Adeyemi (bateria)
Tiwalade Ogunlowo (tronboia)
Abiodun Abowoba (saxoa)
Joseph Darlington (baxua)
Adekunle Olayode (teklatuak)
Omolara Eluyode (koruak, dantza)
Tayo Olajide (koruak, dantza)
Funmilayo Bazuaye (koruak, dantza)Gonzalo Tejada “Ziklo 2”
Gonzalo Tejada (baxua)
Chris Kase (tronpeta)
Daniel Pérez (gitarra)
Iñaki Salvador (pianoa)
David Xirgu (bateria)Hadouk Trio
Didier Malherbe (saxoa, flauta, klarinete altua, doodook, pékoo, okarina)
Loy Ehrlich (teklatuak, kora, hajouj, awicha)
Steve Shehan (kongak, djembé, derbouka, hadgini, sanza)Henry Texier Strada Sextet
Henri Texier (baxua)
Sébastien Texier (saxo altua, klarinetea)
François Corneloup (saxo baritonoa)
Gueorgui Kornazov (tronboia)
Manu Codjia (gitarra)
Christophe Marguet (bateria)Jan Garbarek
Jan Garbarek (saxoa)
Marilyn Mazur (perkusioa)
Eberhard Weber (baxua)
Rainer Brüninghaus (teklatuak)Javier Colina Combo
Javier Colina (baxua)
Pancho Amat (tres)
Víctor de Diego (saxoa)
Manuel Machado (tronpeta)
Moisés Porro (perkusioa)
Efraín Porro (perkusioa)
David Montes (ahotsa)JHHJ
Hugo Astudillo (saxoa)
Jonathan Hurtado (pianoa)
Josu Izaguirre (baxua)
Hasier Oleaga (bateria)John McLaughlin & Shakti
John McLaughlin (gitarra)
Zakir Hussain (tabla, perkusioa)
V. Selvaganesh (ghatam, perkusioa)
U. Shrinivas (mandolina)
Shankar Mahadevan (ahotsa)John Scofield Trio
John Scofield (gitarra)
Steve Swallow (baxua)
Bill Stewart (bateria)Kora Jazz Trio
Abdoulaye Diabaté (pianoa)
Djeli Moussa Diawara (kora)
Moussa Cissoko (perkusioa)Lizz Wright
Lizz Wright (ahotsa)
Deanna Witkowski (pianoa)
Carlos Henderson (baxua)
Mark Colenburg (bateria)Mac Jeara’s Band
Ainara Ortega (ahotsa)
Alfonso Masach (tronpeta)
Jesús Castillejo (klarinetea)
Carlos Escudero (tronboia)
Roberto Pacheco (saxo tenorra)
Beatriz Hurtado (pianoa)
Eugenio Delgado (helikoia)
Ander Barrenetxea (bateria)Marcos Valle
Marcos Valle (ahotsa, teklatuak, gitarra)
Patricia Alví (ahotsa)
Renato Franco (saxoa, flauta, teklatuak)
Mauro Berman (baxua)
Sidinho Moreira (perkusioa)
Davide Giovaninni (bateria)Miroslav Vitous Quartet
Miroslav Vitous (baxua)
Ramberto Ciammarughi (pianoa)
Adam Nussbaum (bateria)
Bob Malach (saxoa)New Orleans All Star Brass Band
William Smith (tronpeta)
Jerome Harper (tronboia)
Brent Rose (saxoa)
Rob Espino (tuba)
Tanio Hingle (dunbala)
Kerry Hunter (kaxa)Nils Petter Molvaer
Nils Petter Molvaer (tronpeta)
Paal “Strangefruit” Nyhus (DJ)
Jan Bang (live sampling)
Morten Qvenild (teklatuak)
Rune Arnesen (bateria)Rebekka Bakken
Rebekka Bakken (ahotsa)
Takuya Nakamura (pianoa)
Dieter Ilg (baxua)
Jojo Mayer (bateria)
Martin Koller (gitarra)Reel People
Vanessa Freeman (ahotsa)
Sharlene Hector (ahotsa)
Mike Patto (teklatuak, ahotsa)
Scott Baylis (teklatuak, tronpeta)
Dave De Rose (bateria)
“Level” Neville Malcolm (baxua)
Leon Stenning (gitarra)
Oli Lazarus (DJ)Rickie Lee Jones
Rickie Lee Jones (ahotsa, gitarra, pianoa)
Neil Larsen (teklatuak, tronpeta, eskusoinua)
Paul Nowinski (baxua)
Art Rodriguez (bateria)
Tracy Wannomae (saxoa, flauta, klarinetea)
Sal Bernardi (gitarra, harmonika)Robert Glasper Trio
Robert Glasper (pianoa)
Brandon Owens (baxua)
Damion Reid (bateria)Roy Ayers Ubiquity
Roy Ayers (bibrafonoa, ahotsa)
Raeford Gaskins (saxoa, teklatuak)
Tony Smith (gitarra)
Mark Adams (teklatuak)
Donald Nicks (baxua)
Troy Miller (bateria)Sextejazz
Ainara Ortega (ahotsa)
Alejandro Mingot (gitarra)
Hasier Oleaga (bateria)
Iván San Miguel (baxua)
Rafa Santana (pianoa)
Iñaki Rodríguez (saxoa)Shirley Horn
Shirley Horn (ahotsa)
George Mesterhazy (pianoa)
Ed Howard (baxua)
Steve Williams (bateria)Sidy Samb & Gewel
Sidy Samb (ahotsa)
Malick Diaw (gitarra)
Abu Dieng (baxua)
Babacar Wade (bateria)
Pape Fal (perkusioa)
Ibrahim Yabaté (perkusioa)
Sergio Ceballos (teklatuak)
Ousmane Sarr (teklatuak)Spanish Harlem Orchestra + Rubén Blades
Oscar Hernández (pianoa, zuzendaria)
Rubén Blades (ahotsa)
Ray de la Paz (ahotsa)
Marco Bermúdez (ahotsa)
Willie Torres (ahotsa)
Máximo Rodríguez (baxua)
Mitch Frohman (saxo baritonoa, flauta)
John Walsh (tronpeta)
Héctor Colón (tronpeta)
Dan Reagan (tronboia)
Joseph DeJesus (tronboia)
Pablo Núñez (tinbalak)
George Delgado (perkusioa)
Bobby Allende (perkusioa)Steve Winwood
Steve Winwood (ahotsa, teklatuak)
Walfredo de los Reyes (bateria)
José Pires de Almeida Neto (gitarra)
Edson da Silva (perkusioa)
Randall Bramblett (saxoa, flauta)Tenoclock
Julen Izarra (saxoa)
Xabier Domínguez (tronboia)
Alfonso Masach (tronpeta)
Maider Arza (pianoa)
Aritz Luzuriaga (baxua)
Sergio Callejo (gitarra)
Xabi Azkarate (bateria)The Champs
Joey DeFrancesco (Hammond organoa)
Ximo Tebar (gitarra)
Byron Landham (bateria)The Manhattan Transfer
Tim Hauser (ahotsa)
Alan Paul (ahotsa)
Janis Siegel (ahotsa)
Cheryl Bentyne (ahotsa)
Yaron Gershovsky (pianoa, zuzendaria)
Wayne Johnson (gitarra)
Richie Goods (baxua)
Steve Hassapoglou (bateria)The Spirit Music Sextet & Meshell Ndegeocello
Meshell Ndegeocello (baxua, zuzendaria)
Ron Blake (flauta, saxo altua, saxo baritonoa)
Oliver Lake (saxo tenorra)
Peck Allmond (tronpeta, tuba, kalimba)
Michael Cain (pianoa)
Chris Dave (bateria)
DJ Jahi Sundance (DJ)Zuco 103
Lilian Vieira (ahotsa)
Stefan Schmid (teklatuak)
Stefan Kruger (bateria)
Lesley Kühr (baxua)
Claus Tofft (perkusioa)
Alvin Lewis (gitarra)DJ Ibon Errazkin
DJ P3z
DJ Paul Murphy
DJ Robert Luis -
