41 edizioa 2006

  • 2006ko uztailaren 21etik 26ra

    Pertsona asko Zurriola Hondartzan igerian ari ziren eta eguzkia abaildu gabe zegoen Howe Gelb Agertoki Berdean kantari hasi zenean, Voices of Praise gospel abesbatzaren babes ezin ordainduzkoa lagun. Musikak ez zuen su-etenik izan, eta puntualtasun handiz hasi ziren Frigo Guneko (Synthesis, AEBetako unibertsitate big band onenetakoa) eta Heineken Karpako (Joachim Kühn Iberia Trio) kontzertuak. Joachim Kühn piano jotzaileak energia ikaragarriz hasi zuen saioa, eta Baldo Martinez kontrabaxu jotzailea eta Ramon Lopez bateria jotzailea –jazz espainiarraren zutabe sendoak- izan zituen bidelagun.

    Gauaren etorrerarekin, New Orleansko musikari handienetako baten txanda iritsi zen: Dr. John. Biharamunean McCoy Tynerren Zazpikotearekin Trinitate Plazan ariko zen New Orleansko saxofoi jotzaile apartak, Donald Harrison ezagunak, ez zuen Dr. Johnen festan hutsik egin nahi izan, eta taula gainera igo zen mitoarekin batera jotzera.

    Frigo Gunean, The Soul Tellers, Miguel Angel Julián espainiarrak buru duen nazioarteko taldeak soul lotsagabe baten erritmora jarri zuen mundu guztia dantzan. Heineken Karpan, Mirall Quartetek argi eta garbi utzi zuen antolatzaileek bete-betean asmatu dutela tokian tokiko hamar musika talde egitarauan sartzeko erabakiarekin.

    Eta, azkenean, festa hutsa hondartzan: ska, reggae, jazz eta Motown soinua. Hori guztia une berean egiteko gai da Jazz Jamaica; azken sasoiko talderik alai eta parrandazaleena, ezbairik gabe.

    Jazz musikaren zale finentzat, Yusef Lateef-en saxofoi solo bat zezenzaleentzat Curro Romeroren beronika bat bezalakoxea da. Gainera, maisua inspiraturik eta luxuzko mendekoekin (Belmondo anaiak) inguraturik badago, erraz uler daitezke Kursaaleko saiora bertaratutako lagunen aurpegi zoriontsuak.

    Uztailaren 22an, ordea, bazen beste maisu handi bat: McCoy Tyner. Bidelagun ezin egokiagoak hartu zituen McCoyk, zinez. Haize laukotea (Wallace Roney, Steve Turre, Eric Alexander, Donald Harrison) zirraragarria izan zen, benetan. Eta erritmo hirukotea (Charnet Moffett eta Eric Gravatt, piano jotzaile mitikoari laguntzen) zer esanik ez!

    Kursaaleko Terrazetan kontzertu aipagarririk ere ez zen falta izan. King Crimson talde legendarioaren abestiak rockaren historiako onenetarikoen artean egoteaz gain, jazzeko kanta standard bilakatu daitezke Ian Wallace -King Crimson taldearen bateria jotzailea taldearen sasoirik onenean- buru duen The Crimson Jazz Trio taldeari esker. Wiesbadengo –Donostiarekin anaikidetutako hiri alemaniarra- Juristenband animosoak, bere aldetik, swing tradizionalaren alaitasuna ekarri zuen.

    Abangoardia estilitistikorik ere bada Jazzaldian: Erykah Badurena, soularen erregina berria. Lepo zegoen Kursaala.

    Eta, gauero legez, festa hondartzan, Javi P3z DJkin eta Jazz Jamaicaren skazz-arekin.

    Jazzaldi batek musikari berriak ezagutzera eman behar ditu. Gutxi batzuek ezagututako perla ezkutuen berri eman, alegia. Joan As Police Woman-en kasua da, hain justu. Uztailaren 24ean, gauerdian, kontzertu fina eskaini zuen Joan Wasser-en taldeak Kursaal Auditorioan.

    Eguneko protagonista, ordea, beste musikari bat izan zen: Herbie Hancock. Piano jotzaile karismatikoa bosgarren aldiz etorri zen Donostiara, eta azken aldi honetan ez zen esku hutsik bueltatu. Izan ere, Donostiako Jazzaldia Saria eraman zuen.

    Hancock Trinitate Plazako eszenatokira irten aurretik, Richard Bona kantari eta baxu jotzaile kamerundarrak jo zuen. Jazza eta ahots-kultura afrikarra uztartu zituen Bonak, bertaratutakoen txaloak erdietsiz.

    Bill Wyman musikari famatua ere inguruan zebilen. The Rolling Stones talde mitikoaren baxu jotzaile ohiak, blues talde apart baten buru denak, Zurriola Hondartzan bildutako 7.000 lagunen musika gosea asetu zuen.

    Uri Caine maisuak ere ez zuen kale egin. Bere Mozart Project egitasmo berria aurkeztu zuen. Beste musikari klasikoen (Bach, Mahler, Wagner, Schumann) berrikusketekin egin antzera, Cainek, haienganako errespetua erakusteaz gain, bere gaitasun berritzailea ere agerian utzi zuen.

    Ikuslea, une jakin batzuetan, jazz izenarekin bataiatu dugun musikak oraindik ere ibilbide oparoa duela, eta ezkorrak -dagoeneko guztia asmatua dagoela diotenek- ez daudela behar bezala informatuta ohartu ohi da. Une hori uztailaren 25ean, Trinitate Enparantzan, gertatu zen. Izan ere, Matthew Herbert Big Band eszenatokira igo eta etorkizuneko big band-aren parametroak ezarri zituen. Aurretik, baina, mami handiko beste big band bat, Llibert Fortunyrena.

    Kursaal Auditorioa mututu egin zen beste behin ere. Noizean behin jazotzen da. Pertsonak ez ezik, eraikina bera ere isiltzen da. Keith Jarrett-Gary Peacock-Jack DeJohnette hirukote magikoa eszenarioan ari zen.

    Zer gehiago eska zitekeen? Denetarik. Heineken Jazzaldian edozer eska daiteke, ziur aurkituko duzuela. Esate baterako, jaiegun batean, belar gainean eseri, eta arbolez eta Eduardo Chillidaren eskulturez inguraturik, Oregon talde mitikoaren musika dasta daiteke.

    Gauzak zihoazen moduan, 41. Heineken Jazzaldiak bukaera zoriontsua besterik ezin zuen izan. Eta azken egunean, uztailaren 26an, zoriona izan zen nagusi. Kursaalean Caetano Velosoren kontzertu fina entzutetik irteten ziren lagunen aurpegiak ikustea baino ez zegoen. Trinitate Plazan genuen zain Solomon Burke, soularen errege benetakoa. Eta festa bukatzeko, The Neville Brothers taldea irten zen oholtzara. New Orleansetik etorritako musikariek blues, gospel, soul eta reggae estiloak uztartuz berbena paregabea antolatu zuten.

    Trinitate Plazan festa amaitu zen arren, Jazzaldiak bizirik zirauen oraindik. Hala, jendeak Kursaalerako bidea hartu zuen berehala. Bertan, Matthew Herbert ari zen diskoak jartzen. Heineken Karpan, berriz, Old School Funky Family taldeak jo zuen. Baionako taldeak argi eta garbi erakutsi zuen izena egoki jarrita dutela. Eskola zaharreko funkya egiten duen familia dela.

    Kontuak egiteko ordua iritsi zen azkenean: 40. Jazzaldiko ikusleriaren errekorra, 2005 urteko 106.000 ikusleak, bertan behera erori zen. Izan ere, 41. Heineken Jazzaldiak 113.500 ikusle bildu zituen. Jazzaldiaren tartari falta zitzaion ginga.

  • 2006ko uztailaren 21etik 26ra

    Ácido C
    Iban Guinea (tronboia)
    Iker Martín (saxoa)
    Mikel Ramírez (tronpeta)
    Iñaki Ilzarbe (gitarra)
    Mikel Iribarren (baxua)
    Ganix Noel Ubarretxena (teklatuak)
    Xabier Navarro (bateria)
    Ixak Oiartzabal (perkusioa)
    Pablo Rodríguez (ahotsa)

    Acid Gazz
    Unai Alvarado (gitarra)
    Iñaki González (bateria)
    Ibon Irastorza (baxua)
    Jimmy Bidaurreta (teklatuak)
    José Gallardo (saxoa)
    Marisol Blanco (ahotsa)

    Affinity Quartet
    Philippe Valentine (bateria)
    Dominique Bonadei (baxua)
    Hervé Fourticq (saxoa)
    Francis Fontès (pianoa)

    Amama Luisa Brass Band
    Javier Navarro (tronpeta)
    Jon Celestino (tronpeta)
    Carlos Otsoa de Aspuru (tronboia)
    Alex Otsoa de Aspuru (saxo tenorra)
    Kerman Ibarra (saxo tenorra)
    Juan Iglesias (saxo baritonoa)
    Alfonso Areta (helikoia)
    Beatriz Hurtado (pianoa, teklatuak)
    Gorka Gaztambide (bateria)

    Richard Bona
    Richard Bona (baxua, ahotsa)
    Etienne Stadwijk (teklatuak)
    Ernesto Simpson (bateria)
    Samuel Torres (perkusioa)
    Aaron Heick (saxoa)
    Gregg Fine (gitarra)

    Solomon Burke & The Souls Alive Band
    Solomon Burke (ahotsa)

    Uri Caine’s Mozart Project
    Uri Caine (pianoa)
    Joyce Hammann (biolina)
    Ralph Alessi (tronpeta)
    Chris Speed (saxoa)
    Drew Gress (baxua)
    Jim Black (bateria)
    DJ Olive (DJ)

    The Campbell Brothers
    Chuck Campbell (pedal steel guitar)
    Philip Campbell (gitarra)
    Darick Campbell (lap steel guitar)
    Carlton Campbell (bateria)
    Malcolm Kirby (baxua)
    Tiffany Godette (ahotsa)
    Denise Brown (ahotsa)
    Katie Jackson (ahotsa)

    Contreband

    The Crimson Jazz Trio
    Ian Wallace (bateria)
    Chris Ishee (pianoa, teklatuak)
    Tim Landers (baxua)

    Chano Domínguez New Flamenco Sound
    Chano Domínguez (pianoa)
    Mario Rossy (baxua)
    Marc Miralta (bateria)
    Blas Córdoba “Kejío” (cantaor)
    Tomás Moreno “Tomasito” (bailaor)
    Demetrio Gómez “El Bandolero” (perkusioa)
    Julián Sánchez (tronpeta)
    Llibert Fortuny (saxo altua, soinu-efektuak)
    Marina Albero (teklatuak, bibrafonoa, salterioa)
    Jordi Bonell (gitarra)

    Dr. John
    Dr. John (pianoa, ahotsa)
    David Barard (baxua)
    Herman Ernest (bateria)
    John Fohl (gitarra)

    Elkano Browning Cream
    Matt Harding (gitarra, ahotsa)
    Franck Mantegari (bateria)
    Mikel Azpiroz (organoa)

    Erykah Badu
    Erykah Badu (ahotsa)
    Eugenia Bess (ahotsa)
    James Clemons (perkusioa)
    Christopher Dave (bateria)
    Dwayne Kerr (flauta)
    Jovan Lacy (baxua)
    RC Williams Jr. (teklatuak)
    Renee Williams (ahotsa)
    Burtron Smith (DJ)

    Béla Fleck & The Flecktones
    Béla Fleck (banjoa)
    Victor Wooten (baxua)
    Jeff Coffin (saxoa)
    Future Man (bateria, sintetizadorea)

    Llibert Fortuny Big Band
    Llibert Fortuny (saxo altua, efektuak)
    David Soler (gitarra, sampler, pedal steel, dobro)
    Dani Domínguez (bateria)
    David González (baxua)
    Quim Puigtió (soinuaren hacker-a)
    Jaume Badrenas (saxo baritonoa)
    Jon Robles (saxo tenorra)
    Martí Serra (saxo tenorra)
    Guim G. Balasch (saxo altua)
    Carlos Martín (tronboia)
    Vicent Pérez (tronboia)
    Dani Perpiñán (tronboia)
    Patxi Muro (tronboia)
    David Pastor (tronpeta)
    Josep Gomariz (tronpeta)
    Chris Kase (tronpeta)
    Mireia Farrés (tronpeta)

    Fredi’s Quartet
    Fredi Peláez (Hammond organoa)
    Juanma Urriza (bateria)
    Sergio Callejo (gitarra)
    Natalia Calderón (ahotsa)

    Grand Six
    Yoann Loustalot (tronpeta, flugelhorn)
    Monsieur Gadou (gitarra, banjoa)
    Timo Metzemakers (baxua)
    Victor Michaud (tronpa)
    Bertrand Noël (perkusioa)
    Doc Thomachot (saxo altua)

    Howe Gelb
    Howe Gelb (ahotsa, pianoa, organoa, gitarra)
    Fred Guignion (slide guitar)
    Jim Bryson (gitarra)
    Andrew McCormack (bateria)
    Voices of Praise (gospel-korua)

    Herbie Hancock Quintet
    Herbie Hancock (pianoa)
    Matt Garrison (baxua)
    Richie Barshay (bateria, perkusioa)
    Lionel Loueke (gitarra, ahotsa)
    Lili Haydn (biolina, ahotsa)

    Matthew Herbert Big Band
    Matthew Herbert (teklatuak, ahotsa, sampler)
    Peter Wraight (zuzendaria)
    Adam Linsley (tronpeta)
    Simon Lenton (tronpeta)
    Graham Russell (tronpeta)
    Drew Cook (tronpeta)
    Howard McGill (saxoa)
    Gavin Tate-Lovery (saxoa)
    Martin Williams (saxoa)
    Dave O’Higgins (saxoa)
    Robert McKay (saxoa)
    Andrew Crompton (tronboia)
    Patrick Hartley (tronboia)
    Chris Cole (tronboia)
    John Higginbotham (tronboia)
    Pete Cater (perkusioa)
    Phil Parnell (pianoa)
    Russel Swift (baxua)
    Valerie Etienne (ahotsa)

    Matthew Herbert (DJ Set)
    Matthew Herbert (DJ)

    Herbert (Live)
    Matthew Herbert (teklatuak, ahotsa, sampler)
    Valerie Etienne (ahotsa)
    Neil Thomas (gitarra, koruak)
    Dave Okumu (gitarra, baxua)
    Leo Taylor (bateria)
    Phil Parnell (teklatuak)
    Drew Cook (tronpeta)
    Finn Peters (saxoa, flauta)

    Keith Jarrett / Gary Peacock / Jack DeJohnette
    Keith Jarrett (pianoa)
    Gary Peacock (baxua)
    Jack DeJohnette (bateria)

    Javi P3z Orquesta
    Javi P3z (zuzendaria, sampler, ahotsa)
    Galder Izagirre (bateria)
    Bárbaro Torres (perkusioa)
    Aritz Lombide (tronpeta)
    Igor Ruiz (saxoa)
    Jon Elizalde (tronboia)
    Makala (baxua)
    Jon Lonbera (gitarra)
    Jimmi Bidaurreta (teklatuak)

    Jazz Jamaica
    Gary Crosby (baxua)
    Abram Wilson (tronpeta, ahotsa)
    Soweto Kinch (saxo altua)
    Denys Baptiste (saxo tenorra, saxo sopranoa)
    Harry Brown (tronboia)
    Benjamin Burell-Plant (pianoa)
    Robin Barnerjee (gitarra)
    Phillip Harper (perkusioa)
    Roderick Youngs (bateria)
    Zara McFarlane (ahotsa)
    Wesley Lucas (ahotsa)
    Susan Harriott (ahotsa)

    Joan As Police Woman
    Joan Wasser (ahotsa, pianoa, gitarra, biolina)
    Rainy Orteca (baxua)
    Ben Perwosky (bateria)

    Joachim Kühn Iberia Trio + Louis Sclavis
    Joachim Kühn (pianoa, saxo altua)
    Baldo Martínez (baxua)
    Ramón López (bateria, perkusioa, tabla)
    Louis Sclavis (klarinetea, saxoa)

    Yusef Lateef-Belmondo Sextet
    Yusef Lateef (saxo tenorra, flauta, flauta etnikoak)
    Lionel Belmondo (saxo tenorra, saxo sopranoa, flauta)
    Stéphane Belmondo (tronpeta, flugelhorn)
    Laurent Fickelson (pianoa)
    Sylvain Romano (baxua)
    Dre Pallemaerts (bateria)

    Jacques Loussier Trio-Play Bach
    Jacques Loussier (pianoa)
    Dunoyer de Segonzac (baxua)
    André Arpino (bateria)

    McCoy Tyner Septet: An Impulse Records History
    McCoy Tyner (pianoa)
    Charnet Moffett (baxua)
    Eric Gravatt (bateria)
    Eric Alexander (saxo tenorra)
    Donald Harrison (saxo altua)
    Steve Turre (tronboia, itsas-maskorrak)
    Wallace Roney (tronpeta)

    Mirall Quartet
    Jonathan Hurtado (pianoa)
    José Gallardo (saxo altua)
    Hasier Oleaga (bateria)
    Horacio A. García (baxua)

    Mr. Bop
    Marcos Sánchez (pianoa)
    Jorge Abadías (gitarra)
    Iñaki Rodríguez (saxo tenorra, saxo sopranoa)
    Javier Mayor (baxua)
    Vincent Thomas (bateria)

    The Neville Brothers
    Aaron Neville (ahotsa)
    Art Neville (organoa, ahotsa)
    Charles Neville (saxoa)
    Cyril Neville (perkusioa, ahotsa)
    Ivan Neville (teklatuak, ahotsa)
    Ian Neville (gitarra)
    Makuni Fukuda (gitarra)
    Nick Daniels (baxua)
    Willie Green (bateria)

    Old School Funky Family
    Reno Silva (saxo sopranoa)
    Arnaud Dumartin (saxo altua)
    Jean Vernheres (saxo tenorra)
    Julien Buros (saxo baritonoa)
    Antton Burucoa (pianoa, teklatuak)
    Pierre Latute (sousafonoa)
    Julien Garin (kongak)
    Alexandre Castera (bateria)
    Jerôme Martineau-Ricotti (bateria)

    Oregon
    Ralph Towner (gitarra, pianoa)
    Paul McCandless (oboe, klarinetea)
    Glen Moore (baxua)
    Mark Walker (bateria)

    The Pinker Tones DJ Crew
    Mister Furia (moog prodigy, vocoder)
    Professor Manso (sampler, theremin)
    DJ Niño (platerrak)

    Soul Tellers
    Miguel Ángel Julián (ahotsa)
    Sarah Quist (ahotsa)
    Bruce Lister (gitarra)
    Peter O’Teo (baxua)
    Cope Gutiérrez (Hammond B3 organoa, pianoa)
    Yayo Morales (bateria)
    Raúl Miguel (tronpeta)
    César Guerrero (tronboia)

    Stay Blues
    Alvaro Fernández (harmonika, gitarra)
    Fernando Neira (baxua)
    Paul San Martín (pianoa, ahotsa)

    Synthesis
    Ray Smith (zuzendaria)

    Teresa Zabalza Quintet
    Teresa Zabalza (pianoa)
    Alejandro Mingot (gitarra)
    Miguel “Pintxo” Villar (saxo tenorra)
    Iosu Izaguirre (baxua)
    Hasier Oleaga (bateria)

    THC
    Gorka Pastor (teklatuak, koruak)
    Roberto Irisarri (baxua)
    David Celaya (bateria)
    José Luis Gómez (saxoa, flauta, koruak)
    Alicia Arguiñano (ahotsa, perkusioa)
    Eva Rada (ahotsa, perkusioa)
    Rafael Moya (gitarra)
    Ion de Luis Munárriz (sampler, teklatuak, gitarra)

    The Three Counties Youth Big Band
    Gareth Sanders (zuzendaria)

    Tortured Soul
    John-Christian Urich (ahotsa, bateria)
    Ethan White (teklatuak)
    Jason Kriveloff (baxua)

    Caetano Veloso
    Caetano Veloso (gitarra, ahotsa)

    Wiesbadener Juristenband
    Dieter Arlet (tronpeta, fliskornoa)
    Albert Hemes (tronboia)
    Karlhanns Henn (gitarra, banjoa)
    Bernhard Kaufmann (pianoa)
    Max Fröhlich (saxo tenorra, saxo altua, klarinetea)
    Dieter Schmidt (baxua)
    Rolf Thüsing (bateria, garbiketa-ohola)

    Bill Wyman Rhythm Kings
    Bill Wyman (baxua)
    Graham Broad (bateria)
    Geraint Watkins (teklatuak)
    Andy Fairwather-Low (gitarra)
    Beverley Skete (ahotsa)
    Terry Taylor (gitarra)
    Eddie Floyd (gitarra)
    Albert Lee (gitarra)
    Nick Pain (saxoa)
    Frank Mead (saxoa)

  • CARTEL-41