2016ko uztailaren 20tik 25era ospatuko den 51. Heineken Jazzaldian joko duten tokiko hamar taldeak hautatzeko prozesuaren barruan, berehala dira hastekoak behin betiko zerrenda erabakitzeko balioko duten ikus-entzuleen aurreko emanaldiak.
Aurten aurkeztu diren 52 proposamenetatik, parte-hartzaileek ekarritako grabazioetan oinarrituta, 51. Heineken Jazzaldiko antolakuntzak 15 talde hautatu ditu, Donostiako hainbat agertokitan jo dezaten urtarriletik martxora bitartean. Zuzeneko emanaldi horien ondoren, Batzordeak, kalitate artistikoa eta ikus-entzuleen erreakzioa aintzat harturik, 51. Heineken Jazzaldiaren programazioan sartuko diren 10 taldeak hautatuko ditu.
Joaldiak Forum FNAC-en, Altxerrin eta Victoria Eugenia Klubean izango dira, sarrera doan dela (Klubaren kasuan, aldez aurretik, Victoria Eugenia Antzokiaren leihatiletan hartu beharko dira gonbidapenak), ondorengo egutegiaren arabera:
| DATA | LEKUA | ORDUA | TALDEA |
| ABENDUA 14 | VE KLUBA | 20:00 | Didier Datcharry Trio |
| URTARRILA 12 | VE KLUBA | 20:00 | Reunion Big Band |
| URTARRILA 21 | FORUM FNAC | 19:30 | Swingpapers |
| URTARRILA 22 | FORUM FNAC | 19:30 | Laurent Robino Trio |
| OTSAILA 4 | ALTXERRI | 20:30 | Javi Fermín |
| OTSAILA 8 | VE KLUBA | 20:00 | Ghost Number & His Tipsy Gypsies |
| OTSAILA 11 | ALTXERRI | 20:30 | The Modern Soul Gang |
| OTSAILA 16 | VE KLUBA | 20:00 | Gregario de Luxe |
| OTSAILA 23 | VE KLUBA | 20:00 | Kass & The Gingerbread Boys |
| MARTXOA 1 | FORUM FNAC | 19:30 | Les Fous |
| MARTXOA 3 | FORUM FNAC | 19:30 | Paddam |
| MARTXOA 8 | ALTXERRI | 20:30 | The Soul Messengers |
| MARTXOA 10 | ALTXERRI | 20:30 | Luismi Segurado Trio |
| MARTXOA 15 | FORUM FNAC | 19:30 | Half Quartet Plus Two |
| MARTXOA 17 | ALTXERRI | 20:30 | Catalina’s Neues Jazz Quintet |
