40 edizioa 2005
-
2005eko uztailaren 22tik 27ra
Marka guztiak hautsi dira aurten hainbat arlotan: emanaldi kopuru orokorrean, doako kontzertuetan, sarrera-salmentatik eta Jazzaldiarekin zerikusia duten produktuetatik ateratako diru kopuruan… baina, batez ere, ikus-entzule kopuruan: 106.000 pertsona hurbildu baitira Jazzaldiak eginiko proposamenetara. Gorakada nabarmena izan da, batik bat, kontuan hartzen badugu aurreko urteetan ere entzule kopuru oso altuak harrapatu zirela.
Okasioa ere berezia zen aurtengoa: ez zen alferrik 40. Jazzaldia. Urteurren biribila eta aukera paregabea izan da, urteetan bildutako esperientziaz baliaturik, etorkizunari tinko begiratzeko. Denetarako izan da tokia: omenaldia egin zaio Charles Mingus handiari; Donostian oroitzapen onak utzi zituzten hainbat musikari berreskuratu dira; Jazzaldian oraindik izan gabe zeuden izar handiak ekarri dira eta, datozen urteetan, zalantzarik gabe, kartel-buru izango diren artista berriak ere izan ditugu.
Charles Mingusek Jazzaldiaren historian izan duen eraginak –batez ere, 1974an eta 1977an emandako kontzertuen garrantziagatik– aitorpen begibistakoa du dagoeneko, Donostian. Trinitate Enparantzako horman, joan den uztailaren 26an, marmolezko plaka oroigarri bat inauguratu zuten haren alargunak, Sue Mingusek, eta Jazzaldiaren zuzendariak, Miguel Martínek. Bide batez esan dezagun, Mingus Big Band-ek berebiziko kontzertua eskaini zuela egun horretan, omenaldiak kitzikaturik, beharbada.
40. Jazzaldi honetako artista zerrenda edonor txunditzeko modukoa zen eta entzuleriak “ez dago sarrerarik” kartela jarri behar izateraino erantzun zuen Van Morrisonen bi emanaldietan, Keith Jarrettenean (aurtengo Donostiako Jazzaldia Saria) eta Roberta Flackenean, guztiak ere Kursaaleko Auditorioan. Ez zen hain harritzekoa ere, halako munstroak tartean zirela; baina Antony & The Johnsons taldeak eman zuen ezustekoa, Auditorioa bete-bete egin baitzuen gauerdiz eman zuen kontzertuan. Entzutegia bete ez bazuen ere, oso interesgarria izan zen Phil Woodsen (1995eko Donostiako Jazzaldia Saria) proposamena, non Charlie Parkerren balada zoragarriak jo baitzituen hari-orkestra lagun zuela, Et Incarnatus euskal hari-orkestra, hain zuzen ere.
Trinitate Enparantza ere gainezka bete zen Amos Leek (Blue Noteren azken aurkikuntza) eta Joe Cocker beteranoak –entzuleak erakartzeko gaitasunari ederki eusten dio– eman zituzten kontzertuetan ere, eta orobat Bebo Valdés maitagarriak (2003an jaso zuen Donostiako Jazzaldia Saria) eta Brasilgo “Tropikalismoaren” aita den Gilberto Gilek emandakoetan. Jazzaldiaren benetako arima izan den agertoki agurgarri horretan, jazz ona erruz entzun da aurten, ondorengo hauen eskutik: Original Messengersen buruan etorri diren Benny Golson eta Cedar Walton, Dave Holland Big Band, jada aipatutako Mingus Big Band, eta beti apurtzaileak gertatzen diren Medeski, Martin & Wood. Zirrara berezia eragin zuen Blind Boys of Alabama taldearen gospel egiazkoak ere.
Urteurrena zela-eta atzera zuzendu diren begiraden artean, Jazzaldiak bi mandatu artistiko egin ditu aurten: Iñaki Salvadorrek bederatzikote bat osatu zuen Jazzaldian aurrez parte hartutako jazzeko euskal musikari adierazgarrienetako batzuekin, eta Bob Sandsek 40. Urteurreneko Big Banda zuzendu zuen, espainiar jazzeko talentu hoberenetako hamasei musikarirekin osatutako taldea. 1980ko hamarraldian Crash taldearekin Nazioarteko Lehiaketa irabazi zuen Zbigniew Lewandowski poloniar bateria jotzailea ere izan genuen, eta esan behar da indar betean jarraitzen duela, oraingo taldearekin –Wild Cats– eskaini zuen emanaldian erakutsi zuen bezala.
Oraingoan ere, Kursaaleko Terrazak eta Zurriolako Hondartzak, iman ahaltsuen antzera, adin eta jatorri guztietako entzule andanak bildu zituzten. Doako kontzertuek, eguraldi bikainak –gau batean bakarrik hondatu zen– eta, batez ere, programazio harrigarriak erakarrita, milaka pertsona bildu ziren, egunero, arratsaldetik goizaldera arte, unean-uneko musika gozatzera.
Agertoki Berdean gauzatu ziren dantzarako aukera aproposenak eta hondartza jendez bete zen: 8.000 pertsona baino gehiago astindu zituen Maceo Parkerren saxoak, baina jendetza handiak pilatu ziren orobat Eric Burdon, BossaCucaNova, Brazilian Girls, Marlango, Djavan eta Trio Exklusiv-en (aurtengo beste sorpresa handietakoa) emanaldietan. Heineken Karpan ez zen beste inor kabitzen Tony Joe White, Clunia, Just Friends, Nylon eta Haydée-ren kontzertuetan. Frigo Gunera ere jende asko bildu zen, batez ere, La Locomotora Negra, L’Occidentale de Fanfare eta Perico Sambeaten Seikotea ikus-entzutera.
Kursaaleko Terrazetan izan zuten jendaurrean jotzeko aukera Musikeneko (Euskal Herriko Goi Musika Ikastetxea) eta Udaleko Musika Eskolako hainbat ikaslez eratutako bederatzi taldek ere. Bi erakunde horien inguruan jazz giroa berpizten ari da eta oso musikari gaztez osatutako taldeak ari dira ugaltzen.
Agertoki berrien bila urtero saiatzen denez, Jazzaldiak oso leku egokia aurkitu du aurten jazza entzuteko: Chillida-Leku Museoa. Kenny Barron Triok han emandako kontzertua, zuhaizpean eta entzuleak, Eduardo Chillidaren eskultura erraldoien itzalean, belarretan eserita zirela, aurtengo Jazzaldiaren historiako une magikoetako bat izan zen. Kenny Barron (2000ko Donostiako Jazzaldia Saria) ez da geldi egona aurtengo Jazzaldian: Chillida-Lekukoa ez ezik, piano duo bat –Mulgrew Millerrekin, Auditorioan–, eta Trinitate Enparantzan, beste kontzertu bat ere eman baitzuen, bere laukotearen buruan.
-
2005eko uztailaren 22tik 27ra
Amama Luisa Brass Band
Javier Navarro (tronpeta)
Jon Celestino (tronpeta)
Carlos Otsoa de Aspuru (tronboia)
Iñaki Egibar (tronboia)
Alex Otsoa de Aspuru (saxo tenorra)
Carmen Aguinagalde (saxo altua)
Juan Iglesias (banjoa)
Javier Celestino (banjoa)
Ana Otsoa de Aspuru (txindatak)
Marian Azcárate (kaxa)
Alfonso Areta (helikoia)
Beatriz Hurtado (dunbala)Amos Lee
Amos Lee (voz, guitarra)
Nate Skiles (guitarra, mandolina, trompeta, voz)
Freddie Berman (batería)
Jaron Olevski (bajo)Antony & The Johnsons
Amos Lee (ahotsa, gitarra)
Nate Skiles (gitarra, mandolina, tronpeta, ahotsa)
Freddie Berman (bateria)
Jaron Olevski (baxua)Benny Golson & Cedar Walton Quintet: The Original Messengers
Benny Golson (saxo tenorra)
Cedar Walton (pianoa)
David Williams (baxua)
Jimmy Cobb (bateria)
Philip Harper (tronpeta)Big Chief Bo Dollis & The Wild Magnolias from New Orleans
Big Chief Bo Dollis (ahotsa)
Norwood “Geechie” Johnson (perkusioa)
Eddie Christmas (bateria)
Nori Naraoka (baxua)
Big Sammie Williams (tronboia)
Gerard Bo Jr. Dollis (pandereta)
Kenneth “Skeeter” Bruce (pandereta, bongoak)Bob Sands Trio
Bob Sands (saxoa)
Horacio García (baxua)
David Xirgu (bateria)Bob Sands Quartet
Bob Sands (saxoa)
Joan Díaz (pianoa)
David Mengual (baxua)
David Xirgu (bateria)40. urteurrenaren Big Band
Bob Sands (zuzendaria, saxo altua)
Alfons Carrascosa (saxo altua)
Gorka Benítez (saxo tenorra)
Víctor de Diego (saxo tenorra)
Chris Kase (tronpeta)
Raynald Colom (tronpeta)
David Pastor (tronpeta)
Mathew Simon (tronpeta)
Uve Larsen (tronboia)
Toni Belenguer (tronboia)
Norman Hogue (tronboia)
Javier Escribano (tronboia)
Joan Chamorro (saxo baritonoa)
Joan Díaz (pianoa)
David Mengual (baxua)
David Xirgu (bateria)BossaCucaNova
DJ Dalua (DJ)
Márcio Menescal (baxua, ahotsa)
Alex Moreira (teklatuak, ahotsa)
Cris Delanno (ahotsa)
Dado Brother (perkusioa)
Rodrigo Sha (saxoa, flauta)
Flavio Mendes (gitarra)Brazilian Girls
Didi Gutman (teklatuak)
Sabina Sciubba (ahotsa)
Jesse Murphy (baxua)
Aaron Johnston (bateria)¡Cuidado! Jazz Quintet
Iñaki Rodríguez (saxoa)
Ulrich Calvo (gitarra)
Diego Belzunegui (pianoa)
Enrique Arza (baxua)
Jorge Garrido (bateria)Clunia
Nani García (pianoa)
Baldo Martínez (baxua)
Fernando Llorca (bateria)
Roberto Somoza (saxoa)Dave Holland Big Band
Dave Holland (baxua)
Antonio Hart (saxo sopranoa, saxo altua, flauta)
Mark Gross (saxo altua)
Mark Turner (saxo tenorra)
Gary Smulyan (saxo baritonoa)
Robin Eubanks (tronboia)
Jonathan Arons (tronboia)
Josh Roseman (tronboia)
Taylor Haskins (tronpeta, flugelhorn)
Alex “Sasha” Sipiagin (tronpeta, flugelhorn)
Duane Eubanks (tronpeta, flugelhorn)
Steve Nelson (bibrafonoa, marimba)
Nat Smith (bateria)Djavan
Djavan (ahotsa, gitarra)
Max Viana (gitarra)
Joâo Viana (bateria)
Sergio Carvalho (baxua)
Renato Fonseca (teklatuak)
Marcelo Martins (saxoa, flauta)Dynamic Trio
Sergio Callejo (gitarra)
Alfredo Peláez (organoa)
Juanma Urriza (bateria)El Cuarteto de Bebo Valdés
Bebo Valdés (pianoa)
Javier Colina (baxua)
Efraín Porro (tumbadoras)
Rickard Valdés (pailas)El Eje Jazz Group
Carlos Bernal (gitarra)
José Gallardo (saxo altua)
Satxa Soriazu (pianoa)
Iván San Miguel (baxua)
Fran Gazol (bateria)Iñaki Salvador-en Bederatzikotea
Iñaki Salvador (pianoa, eskusoinua, melodika, konponketak, zuzendaria)
Gonzalo Tejada (baxua)
Hasier Oleaga (bateria)
Itxaso González (ahotsa)
Jacky Berecoechea (tronpeta)
Mikel Andueza (saxoa)
Víctor de Diego (saxoa)
Javier Juanco (gitarra)
Jonathan Hurtado (teklatuak, pianoa)Eric Burdon
Eric Burdon (ahotsa, harmonika)
Dean Restum (gitarra)
Martin Gerschwitz (teklatuak)
Dave Meros (baxua)
Bernie Pershey (bateria)Gilberto Gil “Eletracustico”
Gilberto Gil (ahotsa, gitarra)
Sergio Chiavazzoli (gitarra)
Cicero Assis (teklatuak, eskusoinua)
Marcos Suzano (perkusioa)
Gustavo di Dalva (perkusioa)Hampshire County Youth Band
Jock McKenzie (zuzendaria)Haydée
Haydée (ahotsa)
Ivan González-Melón (pianoa)
Arian (baxua)
Dayan (gitarra)
Chacón (perkusioa)
Kiki Ferrer (bateria)Iván San Miguel Sextet
Carlos Rossi (tronpeta)
Hugo Astudillo (saxo altua)
Javier San Miguel (saxo tenorra)
Jonathan Hurtado (pianoa)
Iván San Miguel (baxua)
Jorge Garrido (bateria)Jeshmar
Aran Mujika (ahotsa, biolina)
Igor Intxausti (gitarra)
Julen Izarra (saxo tenorra, perkusioa)
Ixak Oiartzabal (perkusioa, berimbao)
Jokin Sukunza (pianoa, kajoi flamenkoa)
Mikel Mate (baxua, klarinetea)Joe Cocker
Joe Cocker (ahotsa)
Gene Black (gitarra)
Nicholas Milo (teklatuak)
Jack Bruno (bateria)
Oneida James (baxua)
Norbert Fimpel (saxoa)
CJ Vanston (teklatuak)
Nichelle Tillman (koruak)
Kacee Clanton (koruak)Just Friends
Dominique Burucoa (tronpeta, ahotsa)
Emmanuel de Montalembert (gitarra, ahotsa)
Arnaud Labastie (pianoa)
Laurent Aslanian (baxua, ahotsa)
Antoine Gastinel (bateria)Keith Jarrett / Gary Peacock / Jack DeJohnette
Keith Jarrett (pianoa)
Gary Peacock (baxua)
Jack DeJohnette (bateria)Kenny Barron Trio
Kenny Barron (pianoa)
Ray Drummond (baxua)
Ben Riley (bateria)Kenny Barron Quartet
Kenny Barron (pianoa)
Ray Drummond (baxua)
Ben Riley (bateria)
Anne Drummond (flauta)Kenny Barron-Mulgrew Miller
Kenny Barron (pianoa)
Mulgrew Miller (pianoa)La Locomotora Negra
Ricard Gili (zuzendaria, tronpeta)
Ferran Cailà (tronpeta)
Miquel Donat (tronpeta)
Isidre Delgado (tronpeta)
Marc Trepat (tronboia)
Víctor González (tronboia)
Oscar Font (tronboia)
Tomás González (saxo tenorra)
Lluís Trepat (saxo altua, klarinetea)
Albert Gassull (saxo altua)
Toni Gili (saxo tenorra, saxo sopranoa)
Angel Molas (saxo baritonoa, saxo altua, klarinetea)
Albert Romaní (gitarra)
Tòfol Trepat (pianoa)
Jordi Casanovas (baxua)
Carles Gili (bateria)L’Occidentale de Fanfare
Francis Mounier (saxo baritonoa)
Patrick Ingueneau (saxo baritonoa)
Patrick Bernard (saxo tenorra)
Guillaume “Doc” Thomachot (saxo altua)
Guillaume Schmidt (saxo altua)
Ronan Le Gourierec (bonbarda)
Yann Bonnec (bonbarda)
Gwen Goulène (eskusoinua, bonbarda)
Christian Méhat (bonbarda tenorra, saxo tenorra)
Jean Louis “Chadu” Chadufau (dunbala)
Anne Colas (pifanoa, piccoloa)
Nathalie Grouet (pifanoa, piccoloa)
Arnaud Ciapolino (pifanoa, piccoloa)
Fred Pouget (klarinetea)
Franck Duhamel (tuba)
Maurice “Momo” Fari (bateria)
Bertrand Noël (bateria)
Fidel Fourmeyron (tronboia)
Anthony Masselin (gaita)
Erwan Keravec (gaita)Maceo Parker
Maceo Parker (saxo altua, ahotsa)
Corey Parker (rap, koruak)
Martha High (ahotsa, koruak)
Greg Boyer (tronboia)
Ron Tooley (tronpeta)
Bruno Speight (gitarra)
Morris Hayes (organoa, sintetizadorea)
Rodney Curtis (baxua)
Jamal Thomas (bateria, perkusioa)Marlango
Leonor Watling (ahotsa)
Alejandro Pelayo (pianoa)
Oscar Ybarra (tronpeta)
David Gwynn (gitarra)
Manuel Bagües (baxua)
Gonzalo Maestre (bateria)Medeski, Martin & Wood
John Medeski (pianoa, organoa)
Billy Martin (bateria, perkusioa)
Chris Wood (baxua)Mingus Big Band
Wayne Escoffery (saxo tenorra)
Abraham Burton (saxo tenorra)
Jaleel Shaw (saxo altua)
Craig Handy (saxo altua)
Lauren Sevian (saxo baritonoa)
Frank Lacy (tronboia)
Ronald Westray (tronboia)
Earl McIntyre (tronboia)
Walter White (tronpeta)
Kenny Rampton (tronpeta)
Jeremy Pelt (tronpeta)
George Colligan (pianoa)
Boris Kozlov (baxua)
Jonathan Blake (bateria)
Sue Mingus (managerra)Mirall Quartet
José Gallardo (saxo altua)
Jonathan Hurtado (pianoa)
Horacio García (baxua)
Fran Gazol (bateria)Nylon
Lisa Bassenge (ahotsa)
Stefan Rogall (sampler, gitarra)
Hagen Demmin (teklatuak)
Arnold Kasar (teklatuak)
Paul Kleber (baxua, perkusioa)Perico Sambeat Sexteto
Perico Sambeat (saxoa)
Raynald Colom (tronpeta)
Toni Belenguer (tronboia)
José Reinoso (pianoa)
Paco Charlín (baxua)
Marc Ayza (bateria)
Elma Sambeat (abeslari gonbidatua)Philippe Cohen Solal: A Gotan Project DJ
Philippe Cohen Solal (DJ Set)Phil Woods: Bird With Strings… And More (+ Et Incarnatus)
Phil Woods (saxo altua)
Ben Aronov (pianoa)
Reginald Johnson (baxua)
Douglas Sides (bateria)
Et Incarnatus (hari-orkestra)
Xabier Zeberio (biolina)
Ainhoa Franco (biolina)
Maitetxu Aldaregia (biolina)
Miren Zeberio (biolina)
Tomás Ruti (biolina)
Asier Suberbiola (biolina)
Idoia Zabala (biolina)
Itziar Etxegia (biolina)
Diego Gabete (biolina)
Leire Pérez (biolina)
Francisco Herrero (biola)
Inazio Alkain (biola)
Cristina Izcue (biola)
Naroa García (biolontxeloa)
Itziar Lertxundi (biolontxeloa)
Luis Fernández (biolontxeloa)
Lerman Nieves (baxua)
Migel Zeberio (zuzendaria)Porteña Jazz Band
Marcelo Gallo (tronpeta)
Arnau Boix (tronpeta)
Luis Parella Terreil (tronboia)
Ubaldo González Lanuza (klarinetea, saxo tenorra)
José Ignacio “Negro” Mazzanti (saxo sopranoa, saxo altua, saxo baritonoa)
Juan Carlos Moruzzi (klarinetea, saxo altua)
Raúl Grano Cortínez (banjoa, gitarra)
Federico Mazzanti (pianoa)
David Parras (tuba)
Ignacio Mazzanti (bateria, garbiketa-ohola)Post Image
Dany Marcombe (baxua)
Freddy Buzon (tronpeta, sintetizadoreak)
Patricio Lameira (gitarra, ahotsa)
Eric Perez (bateria, sampler)
Jean-Christophe Jacques (saxoa, sampler)
Thierry Mvié (pianoa)Roberta Flack
Roberta Flack (ahotsa)
Antonio Terry (ahotsa)
Sherrod Barnes (gitarra)
Arturo Tappin (saxoa, flauta)
Shelton Becton (teklatuak)
Milton Barnes (baxua)
Ricardo Jordan (bateria)The Blind Boys Of Alabama
Clarence Fountain (ahotsa)
Jimmy Carter (ahotsa)
Bishop Billy Bowers (ahotsa)
Joey Williams (gitarra)
Caleb Butler (gitarra)
Tracy Pierce (baxua)
Ricky McKinnie (bateria)The Heckler
Juan Pablo Balcázar (baxua)
Alejandro Mingot (gitarra)
Hasier Oleaga (bateria)
Miguel Villar “Pintxo” (saxo tenorra)The Urban Art Quartet & Natalia Calderón
Iñaki Rodríguez (saxo tenorra, saxo altua)
José Barrio (gitarra)
Javier Mayor (baxua)
Vincent Thomas (bateria)
Natalia Calderón (ahotsa)Tony Joe White
Tony Joe White (ahotsa, gitarra)
Jeff Hale (bateria)Trio Exklusiv
Martin Zrost (baxua, saxoa, klarinete baxua, gitarra, teklatuak)
Richard Klammer (tronpeta, ahotsa, perkusioa)
Franz Reisecker (ahotsa, gitarra)
Mex Wolfsteiner (bateria, sampler)Van Morrison
Van Morrison (ahotsa)
Matt Holland (tronpeta)
Martin Winning (saxoa, flauta)
John Edwards (gitarra)
Mark Jordan (pianoa, organoa)
David Hayes (baxua)
Robert Ruggiero (bateria)Zbigniew Lewandowski “Wild Cats”
Zbigniew Lewandowski (bateria, perkusioa)
Tadeusz Leśniak (teklatuak)
Tomasz Grabowy (baxua)
Ralf Rickert (tronpeta, flugelhorn)
Marek Podkowa (saxo tenorra, saxo sopranoa)
Krzysztof “Puma” Piasecki (gitarra) -