Bamba Wassoulou Groovek eta Joss Stonek berealdiko amaiera eman zioten aurtengo Jazzaldiari, Trinitate Plazan, Maliko taldearen alaitasun eranskorrarekin eta artista britainiarraren ahalmen handiko ahotsarekin; azken honen estilo sentimentala, zenbaitetan lazgarria, baita delikatua eta oso intimoa ere, soul erritmoekin uztartu zen.
Jazzaldiaren edizio honetan Japoniako pianistak izan dira protagonista San Telmo Museoko klaustroan; bertan, Hakuei Kim birtuosoak eman du azkeneko kontzertua.
Bandolero perkusionistak flamenko aireak ekarri zituen Victoria Eugenia Antzokira, eta bertan Gonzalo del Valek emandako kontzertua izan zen jarraian.
Rocio Márquez & Bronquiok, biek bat eginda, musika urbanoa eta elektronikoa flamenkoarekin eta cantearekin uztartzen dituen lana aurkeztu zuten Kursaal Auditorioan.
Frigo Gunean, Fnac Gunean eta Garberan doan eskaini ziren kontzertuak elkarren segidako egunetan, arratsaldeko eta gaueko saioetan, eta ondokoak aritu ziren bosgarren eta azken egunean: Mikel Legasa’s Quintet, Pacific Jazz Ambassadors, Xavi Maldonado & David Cid Quartet, Kinkfolk, Bengue eta Olana Liss.
Ramada Inn talde oñatiarra eta Nauticool agertokia konbinazio perfektua izan ziren gaua heltzean Jazzaldiari amaiera ahaztezin bat emateko.
