Atzo, Norah Jonesen kontzertua Kursaal Auditorioan, gehien esperotako bat izan zen, eta hark ez zion ez huts egin abeslari, konpositore eta pianista iparramerikarrari entzuteko irrikaz auditorioa bete zuen publikoari.
Yoshuke Yamashita berriro aritu zen atzo San Telmo Museoan, baina oraingoan pieza klasiko ezagunen gaineko inprobisazioekin.
Victoria Eugenia Antzokian, nazioarteko programatzaileentzako JazzEñe Jazz erakustaldiaren barruan, Lucía Rey pianista eta konpositoreak eman zuen aurreneko kontzertua. Hainbat estilo uztartu zituen, besteak beste, flamenkoa, latin Jazz, musika mediterraneoa, klasikoa, pop… JazzEñeren lehenengo egun horretako beste kontzertuetako bat MOVE laukoteak emandakoa izan zen.
Damir Imamovićek aurtengo Jazzaldiko bere bigarren kontzertua Frigo Gunean eman zuen, The Mississippians Big Bandaren ondoren. Xahu euskal taldeak itxi zituen Kursaaleko terrazako kontzertuak.
Trio Nordesteren kontzertuaz gozatzeko agertokia Fnac Foruma izan zen.
Rodrigo Lauroba & Aitor Miramon San Martin Merkatuko agertokian aritutako bigarren eta azken taldea izan zen 58. Jazzaldi honetan.
Txikijazz programaren barruan, atzo, haurrek osatutako publikoak Les Cuisinieres taldearen erritmo alai eta dantzagarriez gozatu ahal izan zuen Garberan.
Fnac Gunean Isla Tríok emandako kontzertuak bidea eman zien inprobisazioari eta soinu askeari, eta Motelas laukote donostiarraren bluesak jarraitu zion.
Nauticoolen, aire zabalean musikaz gozatzera bertaratutako publikoaz inguratua, izugarrizko giroa ekarri zuen Elena Setién donostiarrak.
Jazzaldia Irunera ere iritsi zen Michele Hendricks & Ronald Baker Projecten kontzertua eskaintzeko.
Aurten, Trinitate Plazako agertokia Julian Lage Trio eta Bill Frisell: Fourek estreinatu zuten.
Zurriola hondartza bete-bete eginda zegoela, Blue Lab Beatsek eta Viva Sueciak eman zioten azkena atzoko egunari. Azkena aipatutako Murtziako talde honen abesti arrakastatsuenei korua egin zien publikoak Keler Guneko gaueko bigarren kontzertuan.
