59. Jazzaldia 2024ko uztailaren 23tik 28ra garatuko da, eta aurrera doa bertan joko duten hamar tokiko taldeak hautatzeko prozesua. Hala, hasiera batean, behin-betiko zerrenda osatzeko, 15 emanaldi eskainiko dira jendaurrean.
Hautatze-prozesu honi sostengu berezia ematen dio Gipuzkoako Foru Aldundiak, Katapulta Tour Gipuzkoa zirkuituarekin. Helburua musikaren eta arte eszenikoen arloetan talentu gipuzkoar gazteak bultzatzea du Katapulta Tour Gipuzkoak, eta aldi berean, Gipuzkoako eszena dinamizatzea, klubei zein antolatzaileei laguntza emanez.
Emanaldiak Victoria Eugenia Club aretoan eta Kutxa Fundazioa Klubean, Tabakaleran, izango dira:
- Victoria Eugenia Club: doako sarrera, edukiera osatu arte. Gonbidapena kontzertuaren egun berean eskuratu behar da, 17:00etatik aurrera, Victoria Eugenia Antzokiko leihatiletan.
– Kutxa Fundazioa Kluba: sarrerak hemen eskuragarri – 3 € aldez aurretik erosita eta 5 € leihatilan.
| DATA | Taldea | Lekua | Ordua |
| 13 Urtarrila | Fran Serrano 4tet 0202 | Club Aretoa – VEA | 19:30 |
| 17 Urtarrila | Gregario de Luxe | Kutxa Kultur Kluba | 20:00 |
| 26 Urtarrila | Paul San Martín y Fran Serrano Dúo | Kutxa Kultur Kluba | 20:00 |
| 29 Urtarrila | The Fake Cousins | Club Aretoa – VEA | 19:30 |
| 30 Urtarrila | Óscar Garrido Quintet | Club Aretoa – VEA | 19:30 |
| 07 Otsaila | Lutfi Jakfar Quintet | Club Aretoa – VEA | 19:30 |
| 08 Otsaila | Moisés No Duerme Live Band | Kutxa Kultur Kluba | 20:00 |
| 09 Otsaila | Les 4 Saxes & Co | Kutxa Kultur Kluba | 20:00 |
| 10 Otsaila | Alex Haro´s Freedom | Club Aretoa – VEA | 19:30 |
| 13 Otsaila | Euskal Hot Klub | Club Aretoa – VEA | 19:30 |
| 16 Otsaila | Nacho Soto Trío | Kutxa Kultur Kluba | 20:00 |
| 18 Otsaila | Iñar Sastre | Kutxa Kultur Kluba | 20:00 |
| 19 Otsaila | MT4 | Club Aretoa – VEA | 19:30 |
| 23 Otsaila | Motelas | Kutxa Kultur Kluba | 20:00 |
| 26 Otsaila | Nhil | Club Aretoa – VEA | 19:30 |
Aurten aurkeztu diren 44 proposamenetatik, eta taldeek ekarritako grabazioetan oinarrituta, Jazzaldiaren antolakuntzak 15 banda hautatu ditu, urtarriletik martxora Donostian jo dezaten. Zuzeneko emanaldi horien ondoren, antolakuntzak, taldearen kalitate artistikoa aintzat harturik, azkenean 59. Jazzaldiaren egitarauan sartuko diren 10 taldeak hautatuko ditu.
